Pravaabaroncy zaklikajuć usich dasłać zvaroty ŭ abaronu «ARCHE» 1

Časopis «ARCHE», adziny ŭ krainie «toŭsty» štomiesiačny niedziaržaŭny časopis na biełaruskaj movie, jaki rehularna i bieśpierapynna vychodzić z 1998 h., apynuŭsia pad pahrozaj, paviedamlaje pravaabarončy sajt spring96.org.

Pačynajučy ad 14 vieraśnia, kali ŭ Hrodnie byŭ zatrymany tahačasny hałoŭny redaktar časopisa Valer Bułhakaŭ, i da ciapierašniaha momantu adbyvajucca padziei, jakija mohuć pastavić kryž na dalejšym isnavańni vydańnia.

Z adnaho boku, idzie «pahłyblenaja» pravierka haspadarčaj dziejnaści časopisa Departamientam finansavych rasśledavańniaŭ Kamiteta dziaržaŭnaha kantrolu, z druhoha — Biełaruskaje telebačańnie vusnami viadučych i karespandentaŭ prahramy kryminalnaj chroniki «Zona Ch» pačało kampaniju šalmavańnia vydańnia i jaho asnoŭnych supracoŭnikaŭ.

Siarod inšaha śćviardžajecca, naprykład, što «ARCHE» i piersanalna jaho były hałoŭny redaktar Bułhakaŭ spryčynilisia da drukavańnia «pałotnaŭ z pretenzijaj na ekstremizm». U toj ža čas dobra viadoma, što na staronkach časopisa drukujucca pieradusim navukovyja i navukova-papularnyja teksty biełaruskich i zamiežnych aŭtaraŭ, i kankretny źmiest vydańnia na praciahu apošnich hadoŭ nie vyklikaŭ niejkich istotnych zaŭvah z boku Ministerstva infarmacyi.

Niahledziačy na heta, peŭnyja siły siońnia vidavočna zacikaŭlenyja ŭ tym, kab Ministerstva infarmacyi skasavała paśviedčańnie ab rehistracyi časopisa i tym samym spyniła vypusk vydańnia. U takoj situacyi my zaklikajem usich ludziej dobraj voli prajavić salidarnaść z «ARCHE», što, u pryvatnaści, možna zrabić šlacham napisańnia zvarotaŭ na imia ministra infarmacyi A. V. Pralaskoŭskaha (adras: 220004, h. Minsk, pr. Pieramožcaŭ, 11).

Prykładny źmiest chadajnictva moža być taki:

Pavažany Aleh Vitoldavič,

Z prahramy biełaruskaha telebačańnia «Zona Ch"ia z hłybokim zasmučeńniem daviedaŭsia (łasia), što razhladajecca pytańnie ab skasavańni rehistracyi štomiesiačnaha časopisa «ARCHE-Pačatak». Nakolki mnie viadoma, za apošnija hady Ministerstva infarmacyi nie vynosiła časopisu anivodnaha papiaredžańnia, vyklikanaha źmiestam nadrukavanych u im materyjałaŭ, tamu zakonnych padstaŭ dla likvidacyi vydańnia niama. Spynieńnie ž vychadu časopisa niesumnienna stanie vialikaj strataj dla biełaruskaj navuki i kultury.

Z pavahaj, (imia, proźvišča).

Taksama varta:

— nakiravać list u Departamient finansavych rasśledavańniaŭ z prośbaj razbłakavać rachunak «Arche-Pačatak» i dać časopisu mahčymaść traplać da čytača.

(Adras: 220004, h. Minsk, vuł. Kalvaryjskaja, 17. Departamient finansavych rasśledavańniaŭ Kamiteta dziaržaŭnaha kantrolu RB, dyrektar Departamienta — Viaremka Ryhor Ivanavič.)

— Źviarnucca da kiraŭnictva BT z patrabavańniem spynić biazdokaznyja publičnyja abvinavačańni na adras časopisa i jaho aŭtaraŭ (Adras: 220807, h. Minsk, vuł. Makajonka, 9. Biełteleradyjokampanija, staršynia — Davydźka Hienadź Branisłavavič).

— Nakiravać list u Administracyju Prezidenta z vykazvańniem zaniepakojenaści situacyjaj vakoł «Arche-Pačatak» i zaklikam paspryjać zachavańniu časopisa. (Adras: 220016, h. Minsk, vuł. K. Marksa, 38.)

— Dasłać list padtrymki ŭ samu redakcyju časopisa (Adras: 220053, h. Minsk, vuł. Navavilenskaja, 24-1A, pakoj 2P.)

Abaronim svajo!

Pavodle Baj.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH