ŁDP prapanuje pjanym kiroŭcam stavić klajmo 2

Namieśnik staršyni Libieralna-demakratyčnaj partyi Aleh Hajdukievič źviarnuŭsia da staršyni pałaty pradstaŭnikoŭ Uładzimira Andrejčanki, ministra ŭnutranych spraŭ Ihara Šunieviča i hienieralnaha prakurora Alaksandra Kaniuka z zakanadaŭčaj inicyjatyvaj, nakiravanaj na prafiłaktyku pravaparušeńniaŭ, źviazanych z kiravańniem transpartnym srodkam pad uździejańniem ałkaholnych napojaŭ i psichatropnych preparataŭ.

Jak paviedamlaje pres-słužba partyi, Hajdukievič prapanuje nanosić kiroŭcu na ruku ciažka zmyvalnaj farbaj śpiecyjalny znak u vypadku kiravańnia im transpartnym srodkam u niećviarozym stanie paŭtorna, paśla pieršaha pryciahnieńnia da administracyjnaj adkaznaści.

Akramia taho, ličyć jon, takomu vadzicielu nieabchodna stavić śpiecyjalny štamp u pašparcie, a taksama kanfiskoŭvać jaho transpartny srodak.

Na dumku Hajdukieviča, znak na ruce — choć i radykalnaja miera, ale ŭžo samo naniasieńnie pavinna spyniać vadziciela sadzicca za rul u niećviarozym stanie».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH