Sajt biełaruskaj muzyčnaj analityki Experty.by apublikavaŭ TOP-10 albomaŭ za pieršaje paŭhodździe 2012 hoda, u jakim adnaznačna pieramahaje hurt “Srebnaje viasielle”, a “Lapisy” z albomam "Rabkor" zastajucca za bortam.
10 miesca Chiefs Band – Jazz Pirates
Redki vypadak taho, jak na biełaruskaj terytoryi pryžyvajecca i narmalna pačuvajecca taki vid muzyki, jak fank.
Prajekt basista “Krambambuli” Alesia Myškieviča – adzin z samych zapaminalnych debiutaŭ hoda.
9 miesca Hair Peace Salon – Gentleman
Debiutnaha alboma ad Hair Peace Salon čakali niekalki hadoŭ, vynik nie rasčaravaŭ:
vydatny bryt-rok, čyjo studyjnaje ŭvasableńnie apynułasia nie horšym za kancertnaje.
8 miesca Open Space – Pressure
Pop-hurt Open Space praciahvaje ŭdaskanalvacca. Druhaja kružełka hučyć surjoźniej za debiutny albom.
Amal usie pieśni možna stavić na radyjo –i heta, u dadzienym vypadku, kamplimient.
7 miesca Morfe – Ziziaq
Etna-fjužn z bajanam, kłarnietam, kantrabasam i elektronikaj.Kaliści Morfe byli całkam akustyčnymi, ale ŭ studyi dadali elektronnaha hučańnia, jakoje tolki dadało kałarytu.
6 miesca Sang Sattawood – Tree
Da bluz-roku biez basa ciapier staviacca naściarožana – tak i čakaješ pačuć kalku z White Stripes, ale Sang Sattawood vyklučeńnie.
Vielmi cikava.
5 miesca Dachabracha & Port Mone - "Chmieleva project"
Rasijskija pramoŭtary, jakija pryvoziać u Rasiju muzykaŭ uzroŭniu Tinariwen i Džona Łajdana, sioleta nazvali ŭkrainski hurt “Dachabracha” samym cikavym hurtom Jeŭropy. Tut ich supolny prajekt ź biełaruskimi akardeanistami z Port Mone.
4 miesca Drum Esstasy - Play Loud
Čaćviorka bubnačoŭ, uzbrojenych drylem, jašče raz dakazała, što možna stvarać muzyčny suśviet tolki pry dapamozie bubnaŭ.
Miž inšym, pieršy albom hurtu za siem hod.
3 miesca Clover Club "Random Mood Jukebox"
Debiutny albom ad Clover Club apynuŭsia nastolki žyćciaradasnym, što my jaho jašče ŭbačym u rejtynhu za hod.Ci projduć chłopcy vyprabavańnie “druhim albomam”? Spadziajemsia, što tak.
2 miesca Akute – Nie isnuje
2012 hod, miarkujučy pa ŭsim, užo možna nazvać “hodam Akute”:
jany prymusili śpiavać pa-biełarusku ŭsich – ad školnic da amataraŭ sučasnaj pop-muzyki.
1 miesca «Srebnaje viasielle» - Laterna Magica
Druhi albom “Viasiella” apynuŭsia kudy bolš cikavym za pieršy: uzrovień Bieńki i Ka nastolki vysoki, što nabližajecca da ŭzroŭniu “Trojcy” (choć i ŭ zusim inšym žanry). Pry hetym
što ni pieśnia – to chit.
Pasłuchać usie albomy možna tut.
