Fota Siarhieja Hudzilina
Hipierbaličnyja fakty pra biełarusaŭ z mahčymaj dolaj praŭdy.
Biełarusy takija razvažlivyja, što spačatku čakajuć, a potym dumajuć.
Biełarusy nikoli nie ličać prezidenckija terminy Łukašenki, jany spakojna čakajuć nastupnych vybaraŭ.
Biełarusy takija miralubnyja, što dačakalisia, pakul susiednija dziaržavy sami sfarmujuć kontury ich miežaŭ.
Biełarusy takija niezaležnyja, što niezaležnyja navat ad niezaležnaści.
Biełarusy takaja zhurtavanaja nacyja, što salidarnyja kožny sam z saboj.
Biełarusy ničoha nie prosiać u Boha, jany ŭsiaho dačakajucca.
U biełarusaŭ jość usiaho adzin niedachop — jany ciarpieć nie mohuć nie ciarpieć.
Kali biełarus admaŭlajecca ciarpieć, jamu prapanoŭvajuć inšaje hramadzianstva.
U biełarusaŭ nikoli niama prablem, tamu što dla vyrašeńnia prablemy jany stvarajuć inšuju prablemu i vyrašajuć užo jaje.
Śpiecyjalna dla biełarusaŭ Facebook pobač z knopkami like i share pastaviŭ huzik «paciarpieć» i «paciarpieć ź siabrami».
Spačatku Boh stvaryŭ biełarusaŭ. Tamu što tolki jany mahli spakojna nazirać za tym, što Boh rabiŭ dalej.
Biełarusy nikoli nie chacieli zmahacca za suśvietnaje panavańnie. Jany prosta čakajuć, pakul usio čałaviectva pamre, kab potym kiravać śvietam.
Biełarusy takija krutyja, što budučynia ŭ ich užo była.
