U Makiedonii staršynia CVK pryznačajecca najbujniejšaj apazicyjnaj partyjaj 2

Na radzimie Antonia Miłašoski — u Makiedonii — kiraŭnik CVK pryznačajecca samaj bujnoj apazicyjnaj partyjaj krainy. Pra heta kiraŭnik misii doŭhaterminovych naziralnikaŭ Biuro pa demakratyčnych instytutach i pravach čałavieka (BDIPČ) ABSIE ŭ Biełarusi Antonia Miłašoski paviedamiŭ 8 vieraśnia.

Adkazvajučy na pytańnie pra asablivaści vybaraŭ u Biełarusi, kiraŭnik misii adznačyŭ, što ŭ kožnaj krainie «svoj pohlad na vybarčuju kampaniju i svoj vybarčy kodeks», tamu pryncypy arhanizacyi vybaraŭ adroźnivajucca.

U jakaści prykładu Antonia Miłašoski pryvioŭ svaju krainu — Makiedoniju, dzie kiraŭnik centrvybarkama pryznačajecca samaj bujnoj apazicyjnaj partyjaj, a nie prezidentam, jak u Biełarusi, i ŭchvalajecca parłamientam. «Pa-druhoje, u Makiedonii šeść vybarčych akruh, ad kožnaj ź jakich abirajucca pa 20 pradstaŭnikoŭ parłamienta. I, pa-treciaje, vybarčyja śpisy dastupnyja hramadskaści, tamu patencyjalnyja vybarščyki, kali znachodziać siabie ŭ śpisie, iduć hałasavać. Kali nie znachodziać siabie, jany mohuć padać skarhu ŭ vybarčuju kamisiju i trapić u hetyja śpisy», — skazaŭ Miłašoski.

Jon taksama ŭkazaŭ na «nieabmiežavanyja mahčymaści» ŭ Makiedonii jak kandydataŭ u dostupie da ŚMI, tak i samich maśmiedyja.

«Heta značyć kolkaść sustreč z kandydatami, z vybarščykami, kolkaść intervju nie abmiežavana», — padkreśliŭ kiraŭnik misii doŭhaterminovych naziralnikaŭ BDIPČ ABSIE.

«Uličvajučy, što vybary adbuducca litaralna praź niekalki tydniaŭ, možna śćviardžać, što vybarčaja kampanija prachodzić ź vielmi małym uzroŭniem aktyŭnaści», — skazaŭ Miłašoski.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH