Siaredniaja zarpłata ŭ Minsku da kanca 2013 hoda składzie $670 u ekvivalencie pry kursie Br8900 za $1.Ab hetym siońnia paviedamiŭ staršynia Minharvykankama Mikałaj Ładućka na sustrečy z hierojami Sacyjalistyčnaj Pracy, Hierojami Biełarusi, atrymalnikami piensij za asablivyja zasłuhi pierad Respublikaj Biełaruś. Sustreča adbyłasia ŭ Minskaj haradskoj ratušy ŭ ramkach mierapryjemstvaŭ, pryśviečanych Dniu horada.
U lipieni hetaha hoda siaredniaja zarpłata minčan dasiahnuła $580, u śniežni jana ŭzraście da $600 u ekvivalencie, upeŭnieny kiraŭnik stalicy.
Ministerstva ekanomiki siońnia raspaŭsiudziła pres-reliz, zhodna ź jakim 60% rabotnikaŭ kamiercyjnych arhanizacyj Biełarusi ŭ červieni 2012 hoda mieli zarabotnuju płatu mienšuju za siarednierespublikanski ŭzrovień.Pra heta havorycca ŭ dakładzie pra vykanańnie najvažniejšych pakazčykaŭ sacyjalna-ekanamičnaha raźvićcia Biełarusi, apublikavanym na sajcie Ministerstva ekanomiki.
Pry hetym prykładna 20% ź ich atrymali zarabotnuju płatu mienš jak 2 młn rubloŭ.
Naminalnaja naličanaja siaredniamiesiačnaja zarabotnaja płata pa krainie ŭ studzieni—červieni skłała 3262,6 tys. rubloŭ, u tym liku ŭ červieni — 3.752,1 tys. rubloŭ.
Pavodle źviestak Minekanomiki, u Bresckaj vobłaści nižejšuju za siarednierespublikanski ŭzrovień atrymlivajuć zarpłatu 68% rabotnikaŭ, u Hrodzienskaj — 66%, u Viciebskaj — 65%, u Mahiloŭskaj — 64%, u Homielskaj i Minskaj — 59%, u Minsku — 44%.
0
0
0
0
0
0
