Dva tybieckija junaki zahinuli, zładziŭšy akt samaspaleńnia ŭ pravincyi Syčuań, paviedamlajuć aktyvisty i amierykanskaja presa.
18-hadovy manach Łabsanh Kałsanh i 17-hadovy były manach Damčajek ździejśnili samaspaleńnie ranicaj u paniadziełak u manastyry Kirci ŭ akruzie Aba, dzie časta ładziacca anałahičnyja akcyi pratestu, zajaviła arhanizacyja "Svabodny Tybiet", štab-kvatera jakoj znachodzicca ŭ Łondanie.
Takim čynam kolkaść tybietcaŭ, jakija pakončyli z saboj šlacham samaspaleńnia z 2009 hoda, dajšło da 51, paviedamlaje arhanizacyja "Svabodny Tybiet".
Bi-bi-si nie ŭ stanie pravieryć hetuju ličbu. Zamiežnym žurnalistam zabaroniena naviedvać rehijon, što vielmi ŭskładniaje paćviardžeńnie abo abviaržeńnie takoj infarmacyi. Kitajskaja dziaržaŭnaja presa paćviardžaje paviedamleńni tolki pra niekatoryja akty samaspaleńnia.
Bolš za pałovu tych, chto abraŭ taki sposab pratestu, jak miarkujuć naziralniki, pamierli.
0
0
0
0
0
0
