Biaspłatny prajezd u hramadskim transparcie Minska zachavajecca tolki dla školnikaŭ. Pra heta paviedamiŭ siońnia na apieratyŭnaj naradzie ŭ Minharvykankamie dyrektar dziaržaŭnaj ustanovy «Staličny transpart i suviaź» Valeryj Škurataŭ.
Jak adznačyŭ staršynia Minharvykankama Mikałaj Ładućka, nieabchodnaści ŭ viartańni takoj lhoty dla studentaŭ niama.«U minułym hodzie, uličvajučy niaprostuju ekanamičnuju situacyju, my pryniali rašeńnie padtrymać navučenskuju moładź. Zaraz ekanamičnaje stanovišča i ŭzrovień dachodaŭ nasielnictva źmianilisia», — rastłumačyŭ jon.
Pa słovach Mikałaja Ładućki, u stalicy dla maładych ludziej isnuje šmat mahčymaściaŭ dla padpracoŭki ŭ volny ad vučoby čas. Jość vakansii ŭ śfiery pasłuh, haściničnaha biźniesu, vysokich technałohij, budaŭnictva i inš. «Nieabchodna stvaryć umovy dla pracaŭładkavańnia moładzi. Studenckija atrady nie pavinny skončyć pracu 1 vieraśnia, a praciahvać svaju dziejnaść», — skazaŭ staršynia Minharvykankama.
Biaspłatny prajezd u hramadskim transparcie Minska dla studentaŭ admianili z 1 lipienia 2012 hoda.