Pieršaja rakietka śvietu ŭ čempijonskaj honcy Maryja Šarapava -- samaja vysokaapłatnaja spartsmienka. Vialikija hrošy jana atrymlivaje dziakujučy rekłamnym kantraktam i ŭdziełu ŭ tenisnych turnirach. Ale rasijskaja pryhažunia [jaje baćki, nahadajem, z Homiela] nie źbirajecca spačyvać na łaŭrach. Jana choča raźvivacca, prydumlaje novyja biznes-prajekty. Niadaŭna jana stała dyzajnieram baletak i torbaŭ Cole Haan.
A ŭ paniadziełak prezientavała ŭłasnuju kandytarskuju liniju Sugarpova.
Sugarpova -- heta 30 vidaŭ cukierak. Kandytarskija vyraby zrobleny ŭ formie tenisnych miačykaŭ, roznaj sadaviny i žyvioł. Spakavanyja prysmaki ŭ pakunački z vyjavaj puchleńkich vusnaŭ. Upakoŭka cukierak kaštuje $5,99.
«Ja ź vialikaj luboŭju pastaviłasia da stvareńnia svajoj marki, -- skazała Šarapava. -- Pryznajusia, što vielmi lublu sałodkaje.Kali ja nie zmahła znajści na rynku toje, što chacieła, vyrašyła prydumać svaje ŭłasnyja cukierki, jakija spadabajucca dziaŭčatam, padobnym na mianie. Mnie ŭžo vielmi chočacca padzialicca prysmakami Sugarpova z usimi svaimi siabrami-łasunami».
0
0
0
0
0
0
