U Biełarusi ceny na chleb, batony i miasa kuraniataŭ pavysiacca ŭ žniŭni na 10%, paviedamili ŭ adździele suviaziaŭ z hramadskaściu Ministerstva ekanomiki.
"Z ulikam rostu zakupačnych cen na zbožža ŭ žniŭni na 10% pavyšajucca hraničnyja maksimalnyja adpusknyja ceny na tradycyjnyja vidy biez dadatkaŭ chleba i batonaŭ, a taksama na miasa kuraniat-brojleraŭ", - adznačyli ŭ ministerstvie. Heta praduhledžana pastanovaj Minekanomiki ad 31 lipienia 2012 h. №68. Jano ŭnosić dapaŭnieńni i źmianieńni ŭ pastanovu Ministerstva ekanomiki ad 26 krasavika 2012 h. № 35 ab cenach na sacyjalna značnyja tavary.
Dakumient ustupaje ŭ siłu paśla jaho aficyjnaha apublikavańnia -- z 11 žniŭnia, aficyjnaje apublikavańnie na Nacyjanalnym pravavym internet-partale Biełarusi -- 10 žniŭnia.
