«Heta pryznačeńnie robicca Śviatym Ajcom za asablivyja zasłuhi pierad carkvoj», — rastłumačyli ŭ Rymska-katalickaj carkvie. Śviatary, jakija atrymali taki tytuł, dałučajucca da bližejšaha koła supracoŭnikaŭ pantyfika i atrymlivajuć pryvilei nasić asablivuju vopratku malinavaha koleru.
Ksiondz Andrej Steckievič — doktar teałohii. Z 1999 hoda — hanarovy kapłan Papy, a z 6 červienia hetaha hoda śviatar pačaŭ słužyć užo ŭ jakaści hienieralnaha vikaryja Minska-Mahiloŭskaj archidyjacezii.
Za čas svajho śviatarskaha słužeńnia Steckievič adbudavaŭ duchoŭnuju sieminaryju ŭ Sankt-Pieciarburhu, dzie vykładaŭ, kafiedralny kaścioł i kuryju ŭ Maskvie i prakatedralny kaścioł u Sankt-Pieciarburhu i h.d. Źjaŭlaŭsia vykładčykam duchoŭnaj sieminaryi ŭ Sankt-Pieciarburhu. Čytaje śpieckursy ŭ sieminaryi ŭ Pinsku i univiersitetach Minska (u asnoŭnym pa bijaetycy).
