Muzieju padaravali dva hrafičnyja listy (u technicy akvacinty) Marka Šahała -- «Kryžovy šlach» i «Bačańnie Apakalipsisu» -- tvory na biblejskija temy, jakija mastak hetak lubiŭ na praciahu ŭsioj tvorčaści.
Nacyjanalny mastacki muziej Biełarusi atrymaŭ u dar dźvie aryhinalnyja hrafičnyja pracy Marka Šahała.
Na ŭračystaj cyrymonii pieradačy prac Šahała prysutničaŭ ministr kultury Pavieł Łatuška i ambasadar Izraila ŭ Biełarusi Iosif Šahał.
Podpis na asobniku z paštovaj markaj Marka Šahała stavić Pavieł Łatuška.
Pavieł Łatuška i ambasadar Izraila ŭ Biełarusi Iosif Šahał pakazvajuć žurnalistam atrymanyja ŭ padarunak tvory Šahała.
Staršynia praŭleńnia AAT «Biełhazprambank» Viktar Babaryka, dziakujučy jakomu tvory i apynulisia ŭ Biełaruś.
«Kryžovy šlach».
«Bačańnie Apakalipsisu».
Asabisty podpis Marka Šahała.
Biełaruskaja paštovaja marka da 125-hodździa mastaka.
Na premjernym pakazie videafilmu «Mark Šahał. Nierealnaja realnaść».
Film «Mark Šahał. Nierealnaja realnaść».
Abodva adbitki stvoranyja ŭ 1967 hodzie i źjaŭlajucca 24-mi asobnikami z nakładu ŭ 35 asobnikaŭ, pra što śviedčać nadpisy ałoŭkam pad malunkami, zroblenyja rukoj majstra. Hety nieacenny dla Mastackaha muzieja dar ažyćcioŭleny pa rašeńni akcyjanieraŭ AAT "Biełhazprambank" i asabista staršyni praŭleńnia Viktara Babaryki. Tvoraŭ Marka Šahała ŭ kalekcyi muzieja nie było. Na ŭračystaj cyrymonii pieradačy prac Šahała prysutničaŭ ministr kultury Pavieł Łatuška i pasoł Izraila ŭ Biełarusi Iosif Šahał.
U prahramie mierapryjemstvaŭ adbyłosia hašeńnie śpiecyjalnaha kanvierta z markaj ŭ honar 125-hodździa z dnia naradžeńnia mastaka - padziei, šyroka adznačanaj sioleta va ŭsim śviecie. Adbyŭsia i premjerny pakaz videafilma RUP «Biełaruski videacentr» «Mark Šahał. Nierealnaja realnaść» (režysior-dakumientalist Zoja Katovič, scenar Viery Savinaj, 2012 hod).
