Jak kupić kvitok na matč z «Livierpulem» 6

Ažyćciaŭlajecca prodaž kvitkoŭ na matč u adkaz 2-ha kvalifikacyjnaha raŭnda Lihi Jeŭropy suprać makiedonskaj «Renovy» (26 lipienia, pieršy matč u Makiedonii «Homiel» vyjhraŭ 2:0), paviedamlaje aficyjny sajt «Homiela».

Košt kvitkoŭ — 30, 35, 40 tysiač rubloŭ. VIP-bilet kaštuje 100 tysiač rubloŭ, dziciačy — 20 tysiač.

Da hulni kvitki možna nabyć u buchhałteryi stadyjona z 9.00 da 17.00, u dzień matču — u kasach stadyjona.

FK «Homiel» źviartaje ŭvahu, što, u vypadku prachodžańnia ŭ treci kvalifikacyjny raŭnd, kvitki na matč z «Livierpulem» (2 žniŭnia) pieršačarhova nabuduć:

1. Uładalniki siezonnych abaniemientaŭ.

2. Členy Kłuba zaŭziataraŭ.

3. Zaŭziatary-ŭładalniki kvitkoŭ na matč z «Renovaj».

Takim čynam, nabyvajučy kvitki na bližejšuju jeŭrakubkavuju hulniu, i, u vypadku prachodu «Homiela» u nastupny raŭnd, zaŭziatary harantavana trapiać na nastupnuju sustreču,

Dyrektar FK «Homiel» Jaŭhien Pabałaviec, u svaju čarhu, znoŭ raźviejaŭ čutki pra toje, što mahčymy matč z «Livierpulem» moža prajści ŭ Minsku, a taksama zaznačyŭ, što kolkaść achvotnych naviedać matč, moža značna pieravysić kolkaść hladackich miescaŭ na stadyjonie.

— Amal adrazu paśla losavańnia stali pastupać zajaŭki, spačatku vusnyja, a zaraz i piśmovyja. Ich užo takaja kolkaść, što hałava kruham. Tym nie mienš, my praciahvajem prymać zajaŭki ad pradpryjemstvaŭ i arhanizacyj z apłataj pa najaŭnym i bieznajaŭnym raźliku. Nahadaju, naš stadyjon «Centralny» moža źmiaścić 14300 hledačoŭ. Adnak užo jasna, što žadajučych naviedać matč budzie značna bolš. Telefanujuć i pradstaŭniki šmatlikich fan-kłubaŭ «Livierpula» z Rasii, z Ukrainy. Źbirajucca pryjechać. Ale nielha ž dapuścić, kab u Homieli pałova stadyjona zaŭzieła za anhlijski kłub. Tamu pry prodažy kvitkoŭ treba padumać nad sistemaj abarony intaresaŭ zaŭziataraŭ našaj kamandy.

0

0

0

0

0

0