U Pieciarburhu (Rasija) mastak Piotr Paŭlenski zašyŭ sabie rot kala Kazanskaha sabora ŭ padtrymku Pussy Riot.
Padčas akcyi mastak trymaŭ u rukach transparant z nadpisam «vystupleńnie Pussy Riot było pieraihryvańniem znakamitaj akcyi Isusa Chrysta».
Taksama na transparancie zhadany hłava 21 i vieršy 12 i 13 z «Jevanhiella ad Maćvieja», jakija hučać nastupnym čynam: «I ŭvajšoŭ Isus u chram Božy i vyhnaŭ usich tych, što pradavali i kuplali ŭ chramie, i stały mianiajłaŭ pierakuliŭ i ŭsłony pradaŭcoŭ hałuboŭ, i skazaŭ im: napisana: «Dom Moj domam malitvy nazaviecca»; a vy zrabili ź jaho łohava razbojnikaŭ».
«Ja ŭ niejkim sensie stajaŭ niby žyvaja skulptura, nie reahavaŭ ni na jakija patrabavańni (pravaachoŭnych vorhanaŭ), jany nie viedali, što sa mnoj rabić, chadzili vakoł, potym jany vyklikali chutkuju… kab ja prajšoŭ abśledvańnie ŭ psichijatra», — cytujuć mastaka «RIA «Novosti».
Paśla ahladu miedyki paličyli, što Piatro Paŭlenski znachodzicca ŭ stanie śviadomaści i adpuścili jaho dadomu.
Paŭlenski patłumačyŭ metu svajoj akcyi žadańniem prademanstravać, što aryšt Pussy Riot supiarečyć fundamientalnym chryścijanskim kaštoŭnaściam. Na jaho dumku, zašyty rot simvalizuje stan sučasnaha mastaka ŭ Rasii, zabaronu hałosnaści, uzmacnieńnie cenzury, paviedamialaje Hazieta.Ru.
- 20 lipienia sud vyrašyŭ pakinuć dziaŭčat z Pussy Riot pad aryštam prynamsi da 12 studzienia 2013 hoda. Udzielnicy hurtu byli aryštavanyja ŭ sakaviku hetaha hoda pa spravie ab