Patryjarch Kirył uźvioŭ hrodzienskaha jepiskapa Arciemija ŭ san archijepiskapa 10
Słužba prajšła va Uśpienskim sabory Troica-Sierhijevaj łaŭry (Maskoŭskaja vobłaść).
Jepiskap Hrodzienski i Vaŭkavyski Arciemij z hetaha dnia stanovicca archijepiskapam.
U novy san jepiskapa ŭźvioŭ patryjarch Maskoŭski i ŭsioj Rusi Kirył z farmuloŭkaj «z hledzišča dbajnaha archipastyrskaha słužeńnia i ŭ suviazi z 60-hodździem z dnia naradžeńnia». Słužba prajšła va Uśpienskim sabory Trojca-Sierhijevaj łaŭry (Maskoŭskaja vobłaść). Patryjarchu dapamahała vialikaja kolkaść jepiskapaŭ, siarod jakich byŭ archijepiskap Viciebski i Aršanski Dzimitryj.
Archijepiskap Arciemij naradziŭsia ŭ 1952 hodzie ŭ Minsku. U saviecki čas paśla słužby ŭ armii byŭ pasłušnikam Pskova-Piačerskaha manastyra, vučyŭsia ŭ Leninhradskaj duchoŭnaj sieminaryi, a taksama ŭ Leninhradskaj duchoŭnaj akademii. Z 1982 hoda słužyŭ u Biełarusi ŭ Śviata-Alaksandra-Nieŭskaj carkvie Minska. Staŭ jepiskapam na hrodzienskaj kafiedry ŭ 1996 hodzie. Kuryruje moładzievy ruch BPC, vykładaje ŭ Instytucie teałohii BDU (Minsk), źjaŭlajecca dacentam hetaj VNU.
