Pieramožcam «Słavianskaha bazaru» staŭ śpiavak z Makiedonii 3

Pieramožcam XXI Mižnarodnaha konkursu vykanaŭcaŭ estradnaj pieśni «Viciebsk-2012» na fiestyvali «Słavianski bazar u Viciebsku» staŭ pradstaŭnik Makiedonii Boban Majsoŭski, jaki nabraŭ pa vynikach dvuch dzion konkursu 199 bałaŭ.

Druhoje miesca zaniała Samanta Cina z Łatvii, što adstała ad makiedonca na dva bały. Treciaje miesca — va ŭkrainki Haliny Konach (192 bały).

Biełarus Jaŭhien Słavič zaniaŭ na konkursie 7-je miesca.

Astatnija ŭdzielniki zaviaršajuć konkurs z nastupnymi vynikami:

Federyka Marynary (Italija) — 187 bałaŭ;

Słavina Kałkandžyjeva (Bałharyja) — 185 bałaŭ;

Daryja Habduł (Kazachstan) — 184 bały;

Jaŭhien Słavič (Biełaruś) 183 bały;

Rusłan (Armienija) — 183 bały;

Saša Sonh (Litva) — 180 bałaŭ;

Łusielia Rołdan (Kuba) — 179 bałaŭ;

Siuzana Dzinič (Sierbija) — 176 bałaŭ;

Anastasija (Rasija) — 175 bałaŭ;

Alaksandru (Rumynija) — 172 bała;

Alena Tryboj (Małdova) — 172 bała;

David Hrom (Słavienija) — 171 bał;

Džordže Javančyč (Bośnija i Hiercahavina) — 168 bałaŭ;

Michajeła Naskova (Čechija) — 166 bałaŭ;

Karyna (Estonija) — 165 bałaŭ;

Karyna Hazijanc (Uźbiekistan) — 162 bały;

Iva (Čarnahoryja) — 154 bały.

Usiaho ŭ konkursie brali ŭdzieł 20 vykanaŭcaŭ z dvaccaci krain. Pradstaŭnica Charvatyi Nika Antołas pa nieviadomych pryčynach u Viciebsk nie pryjechała.

U pieršy dzień konkursu, 14 lipienia, udzielniki vykonvali pieśniu na nacyjanalnaj movie pad fanahramu «minus adzin». Siońnia jany vystupali ź pieśniaj na adnoj z słavianskich moŭ pad akampaniemient Nacyjanalnaha akademičnaha kancertnaha arkiestra Respubliki Biełaruś. Paśla vykanańnia pieśni ŭdzielniki taksama pramaŭlali pryznańnie ŭ kachańni na svajoj nacyjanalnaj movie.

Hanaravańnie pieramožcaŭ adbudziecca 16 lipienia ŭ Viciebskaj abłasnoj fiłarmonii. Uładalnik Hran-pry konkursu atrymaje ŭ padarunak 15 tysiač dalaraŭ, pieršaj premii — 9 tysiač, druhi — 6 tysiač, treciaj — 3 tysiačy dalaraŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH