U minuły čaćvier na vulicy Kamiennahorskaj hučała muzyka, pierarazali čyrvonuju stužku: 70 siemjaŭ atrymali doŭhačakanyja klučy ad svaich kvater. Z nahody padziei administracyja Frunzienskaha rajona navat zładziła ŭ dvary 9-paviarchovaha doma №64 śviata navasioła. U ŽBSK-757 pabudavalisia hramadzianie, što mieli patrebu ŭ palapšeńni žyllovych umoŭ, jakija stali na čarhu da 1986 hoda. Kaapieratyŭ byŭ stvorany ŭ kancy 2010 hoda, a košt mietra skłaŭ 3 610 000 rubloŭ. Napeŭna, mnohija navasioły ŭžo paśpiašalisia pieravieźci rečy, inšyja ž adrazu pa ŭručeńni klučoŭ zrabili inačaj – vystavili svajo žytło na prodaž.
Zavitaŭšy siońnia na śpiecyjalizavanyja sajty, my znajšli niekalki prapanovaŭ z vulicy Kamiennahorskaj.
Tak, u tym samym domie №64 «trochpakajoŭka» na šostym paviersie płoščaj 76 kv. m pradajecca za 79 500 dołaraŭ (1046 u. je. za kvadratny mietr).Nie brakuje padobnych prapanoŭ i ŭ susiednich damach, jakija taksama budavali hramadzianie, što nibyta mieli patrebu ŭ palapšeńni žyllovych umovaŭ. Naprykład, 1-pakajovaja kvatera płoščaj 49 kv. m u domie №72 na Kamiennahorskaj prapanujecca za 54 000 dołaraŭ. U susiednim domie, №74, za «adnušku» płoščaj 43 mietry prosiać 53,3 tys. dalaraŭ.
0
0
0
0
0
0
