Samalot złamaŭsia: Biełaruskija turysty 11 hadzin prasiadzieli ŭ aeraporcie Iźmira

Rejsy Nacyjanalnaj avijakampanii «Biełavija» pa napramku Minsk — Iźmir (Turcyja) — Minsk vykonvajucca z zatrymkaj, paviedamiła śpiecyjalist pa suviaziach z hramadskaściu avijakampanii Volha Hierasienka.

Pieršy zboj u raskładzie zdaryŭsia ŭčora z-za techničnaj niaspraŭnaści samalota. «Prylot rejsu ź Iźmira ŭ Minsk zatrymany pa techničnaj pryčynie, — skazała pradstaŭnik «Biełavija». — U chodzie padrychtoŭki da vyletu piłoty Tu-154vyjavili niaspraŭnaść, jakaja nie mahła być likvidavanaja ŭłasnymi siłami ekipažu. Kiraŭnictvam avijakampanii było pryniata rašeńnie ab nakiravańni zapasnoha samalota z techničnymi śpiecyjalistami «Biełavija».

Pasažyry zatrymanaha rejsa dastaŭleny ŭ Minsk zapasnym pavietranym sudnam z zatrymkaj u 11 hadzin.

«Samalot z 155 pasažyrami pryziamliŭsia siońnia ŭ 5.35 ranicy, — adznačyła Volha Hierasienka. — Niaspraŭnaści byli likvidavanyja ŭ aeraporcie Iźmira. Pavietranaje sudna siońnia ranicaj u 8.26 taksama viarnułasia ŭ Minsk».

U suviazi z zatrymkaj siońnia rejsy «Biełavija» pa hetamu napramku taksama zatrymlivajucca.

Tak, vylet samalota ź Minska ŭ Iźmir siońnia pieraniesieny z 5.30 na 11.00, adpaviedna i pasažyry ź Iźmira ŭ Minsk prybuduć taksama z zatrymkaj — u 16.30 zamiest 11.30.

Usim pasažyram zatrymanych rejsaŭ pradastaŭlajecca charčavańnie.

Avijakampanija vybačajecca pierad pasažyrami i tymi, chto ich sustrakaje.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH