«Biełaruś-2» rekłamuje multfilmy z dapamohaj kryminalnaha žarhonu 7
Telekanał pieraplunuŭ rasijskich prakatčykaŭ.
«Daviadziecca malku adkazvać za bazar», — hučyć z teleekrana. Heta nie kryminalny sieryjał, heta anons multfilma «Akułavaja historyja» na telekanale «Biełaruś-2». U rasijskim prakacie nazva multfilma maje kryminalnaje adcieńnie — «Padvodnaja bratva».
Heta nie pieršy vypadak «kryminalizacyi» nazvaŭ zamiežnych multfilmaŭ. Na tym ža telekanale «Biełaruś-2» niadaŭna demanstravali multfilm «Lasnaja bratva», jaki ŭ aryhinale nazyvajecca «Za aharodžaj» («Over the Hedge»).
Mahčyma, biełaruski telekanał nie maje prava źmianić nazvu multfilma, ahučanaha pa-rasiejsku. Adnak, uźnikaje pytańnie — navošta jašče bolš zahłyblacca ŭ kryminalščynu? Dy jašče ŭ rekłamie multfilma, pryznačanaha dla siamiejnaha prahladu.
Miž inšym, telekanał «Biełaruś-2» pazicyjanuje siabie, jak «zabaŭlalnaje telebačańnie z akcentam na karyść».
