19 červienia kampanija «Cgates» pradstaviła novuju pasłuhu dla žycharoŭ i haściej Vilni — biaspłatny dostup da Internetu.
Padklučycca da biaspłatnaha Internetu ciapier možna ŭ najbolš papularnych miescach Staroha horada: na Niamieckaj (Vokieču), na Ratušnaj płoščy (Rotušės aikštė), u dvoryku Doma nastaŭnika, u skvierach K.Sirvidasa (K.Sirvydų skveras) i S. Maniuški (S.Moniuškos skveras).
Pra najaŭnaść biaspłatnaha Internetu paviedamlajuć śpiecyjalnyja płakaty.
Da biaspłatnaha Internetu možna padklučycca z telefona, płanšeta abo noŭtbuka.Hienieralny dyrektar kampanii «Cgates» Paŭlus Dambraŭskas na prezientacyi novaj pasłuhi abiacaŭ, što chutkaść padłučeńnia budzie nie mienš za 2 Mb/s — dastatkovaja nie tolki dla pravierki elektronnaj pošty, ale i dla paŭnavartasnaha pošuku infarmacyi ŭ internecie, prahladu fatahrafij dy inš.
U bližejšy čas da zony biaspłatnaha internetu padklučać Kafiedralny plac i płošču Kudzirki, a taksama Vilenskuju.
Kampanija «Cgates» pradastaŭlaje biaspłatny internet i ŭ Kaŭnasie (Koŭnie) na alei Łajśvies.
0
0
0
0
0
0