«Jany takija dziŭnyja», — pieršaje, što čuju na placoŭcy la Fiłarmonii ad stałaj žančyny. «Ja ŭvohule nie ŭjaŭlaju, što heta za kraina», — adkazvaje siabroŭka.
Tym nie mienš, ziavak i sapraŭdy achvotnych padzivicca na katarskuju ekzotyku davoli šmat. Treci dzień na płoščy Jakuba Kołasa raźbitaja katarskaja kulturnaja vioska.Katar — nievialikaja kraina na arabskim paŭvostravie. Na poŭdni miažuje z Saŭdaŭskaj Aravii, z usich inšych bakoŭ abmyvajecca vodami Piersidskaj zatoki. Hetaja kraina adna z najbahaciejšych. Mały Katar zajmaje treciaje miesca ŭ śviecie pa zapasach pryrodnaha hazu. VUP krainu na dušu nasielnictva samy vysoki na hetaj płaniecie mienavita ŭ Katary — 93 tysiačy dalaraŭ.
Emir KataraNiaredka katarskaha emira nazyvali hałoŭnym sponsaram «arabskaj viasny» — revalucyj u Tunisie, Jehipcie, Livii, paŭstańnie ŭ Siryi. Uvohule Katar ličycca aporaj zachodniaha śvietu ŭ arabskim rehijonie. Z Dochi pracuje suśvietnaviadomy kanał60-hadovy Chamad bin Chalifa Al Tani. Da hetaha emiram byŭ jahony baćka, ale ŭ 1995 u zmovie ź inšymi siamiejnikami Al Tani zachoplivaje ŭładu, jahony baćka tady byŭ ź vizitam u Šviejcaryi. Były emir dzieviać hadoŭ pražyŭ na vyhnańni ŭ Francyi i tolki ŭ 2004 viarnuŭsia na radzimu. Cikavaja historyja, zhadziciesia.
U Katary projdzie čempijanat śvietu pa futbole 2022 hoda.
Katarcy majuć ščylnyja kantakty ź Biełaruśsiu. Sioleta arabskuju krainu naviedaŭ Viktar Łukašenka, sustrakaŭsia z emiram. Letaś lotaŭ tudy i sam Łukašenka. Katarcam paabiacali dolu ŭ novych pradpryjemstvach pa zdabyčy kalijnych uhnajeńniaŭ na Akciabrskim i Pietrykaŭskim radoviščach, a taksama raspracoŭcy ŭ Biełarusi radoviščaŭ žaleznaj rudy.Što datyčyć Dzion kultury, to pahladzieć było na što. Mužčyny ŭ nacyjanalnym strojach, z šablami z adnaho boku, i kaburoj — ź inšaha, śpiavali nacyjanalnyja pieśni, bili ŭ bubny. A to prosta siadzieli na zasłanych pierad Fiłarmonijaj dyvanach, ci ŭ šatry pad partretami lubimaha emira. «Daŭno tut siadzim», — zhadvajecca z «Biełaha sonca pustyni».
Dziaŭčaty ŭtvaryli vialikuju čarhu, kab na rukach katarskija majstrychi nalavali im uzor chnoj. Heta ŭpryhožvańnie nazyvajecca «miendzi» i trymajecca kala troch tydniaŭ. Nie mienšaja čarha stajała i kala ŭpryhožvańniaŭ ź pierlin i z butelečkami pachoščaŭ.Katarskaja kuchnia była taksama pradstaŭlenaja. Niejkimi aładkami i blinami. Pasprabavać, praŭda, ich tak i nie atrymałasia:)
A voś majstry pa vyrabie škatułak, ci minijaturnych karabloŭ karystalisia mienšaj papularnaściu.
Zdajecca, minčuki byli zadavolenyja takoj imprezaj.
0
0
0
0
0
0
