Saša Baron Koen taksama pachodzić ź Biełarusi 14

Jamu sorak hadoŭ, u jaho žonka i dźvie dački. Jon bahaty, viadomy i talenavity. Navat hienijalny. U Sašy Barona Koena ŭ žyćci tolki adna prablema. Jon časta zabyvaje, jak jaho zavuć. Hetaja amniezija nie źviazanaja ź jaho składanym proźviščam.

Siamiejnaja lehienda śviedčyć, što jahony dzied źbieh ź Biełarusi ŭ Vialikabrytaniju ŭ 1880-ch, ratujučysia ad pahromaŭ. Astalavaŭšysia na novym miescy, Chaim Baron dadaŭ da svajho proźvišča prydomak Koen, kab palepšyć svajo pachodžańnie.

Koen, ci bolš zvykłaja biełarusam forma Kohan, aznačała prynaležnaść da rodu śviataroŭ ź Ijerusalimskaha chrama.

Dyktatar Chafiz Aładyn, apošni piersanaž Sašy Barona Koena.

Ali Džy.

Chafiz Aładyn.

U vobrazie Barata.

Bruna.

Bruna.

Saša Baron Koen źliŭsia sa svaimi prydumanymi dla telebačańnia, a zatym adaptavanymi dla kino vobrazami. Učora repier Ali Džy, potym Barat, kazachski reparcior, antysiemit i hamafob, potym Bruna, aŭstryjski hiej, viadoŭca prahramy modaŭ, a ciapier — hienierał-admirał Chafiz Aładyn, despatyčny lidar Respubliki Vadzija ŭ «Dyktatary».

Aktor zaŭsiody havoryć z žurnalistami ad imia hetych piersanažaŭ. Jon zastajecca imi, navat kali kamiera pierastaje pracavać.

Pieršapačatkova hetaja hulnia vyhladała jak rekłamnaja. Navat ciapier ciažka pavieryć, što Chafiz Aładyn, jaki adkazvaje na mejły, jaki adzin dzień zhadžajecca na intervju, a na nastupny admaŭlajecca, — usiaho tolki vydumka.

Za ŭsimi piersanažami časta hublajecca sam Saša Baron Koen. Jak sam aktor pryznaŭsia adnojčy ŭ intervju Hovardu Sternu, «ja rastvarajusia ŭ svaich piersanažach, ja zabyŭsia na svajo ja. Chto ja?»

Paśla pośpiechu «Barata» na Koena abrynulisia mnohija habrejskija arhanizacyi, razhnievanyja piersanažam-antysiemitam. Jaho baćka straciŭ mahčymaść spakojna malicca ŭ svajoj sinahozie

paśla napadu niekalkich ščyrych viernikaŭ. Za Bruna Koena palivali brudam hiei. Za «Dyktatara» Koena nie lubiać araby, niahledziačy na toje, što partret lidara, natchniony Sadamam Chusejnam i Kadafi, zanadta karykaturny navat u ich vačach.

40-hadovy komik rastvaryŭsia ŭ svaich piersanažach, ale ŭ jaho taksama jość svajo minułaje. Jaho baćka — buchhałtar. Jaho maci i babula — vykładčycy aerobiki. Babula, jakoj ciapier 97 hadoŭ, vykładała aerobiku jašče ŭ Chajfie (Izrail).

Baćka Sašy Barona Koena mieŭ standartnuju maru — ubačyć svajho syna jurystam.

Jon pakazvaŭ jamu filmy ź Piteram Selersam. Hałoŭny hieroj «Ružovaj pantery» zrabiŭsia kumiram Sašy Barona Koena.

U Kiembrydžskim univiersitecie Saša Baron Koen u 1993 hodzie napisaŭ dysiertacyju pa historyi — pra rolu habrejaŭ u ruchu za hramadzianskija pravy.

Dazvalajučy svaim pierasnažam žyć svaim žyćciom, Saša Baron Koen pryjšoŭ da vysnovy, što samaje razumnaje, što my možam zrabić, — heta pierastać być inšymi. Heta prosta pytańnie psichičnaha vyžyvańnia.

KaM, SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH