Adzin ź lideraŭ Chryścijanskaj Demakratyi Vital Rymašeŭski zajaviŭ, što jon vystupaŭ za bajkot abvieščanych kiraŭnikom krainy Alaksandram Łukašenkam vybaraŭ u pałatu pradstaŭnikoŭ.
«Ja b nie skazaŭ, što heta bajkot vybaraŭ, bo vybaraŭ u Biełarusi niama. A bajkot farsu, padmanu biełaruskaha narodu, jaki budzie prachodzić pad šyldaj praviadzieńnia vybaraŭ u Respublicy Biełaruś. BCHD budzie supraćstajać hetamu brutalnamu padmanu, jaki biełaruskija ŭłady sprabujuć razyhrać užo siońnia.
Siońnia abvieščana data vybaraŭ. Nivodnaja ŭmova demakratyčnych siłaŭ nie była vykanana. Palitviaźni znachodziacca za kratami i na ich akazvajecca ŭsio bolšy cisk. Niama nijakich źmienaŭ u vybarčym zakanadaŭstvie, sytuacyi z hramadzkimi arhanizacyjami i palityčnymi partyjami, svabodaj ŚMI. Kožny sumlenny palityčny dziejač, niezaležny ad Łukašenki, pavinien užo siońnia dać acenku hetych vybaraŭ. Pra toje, što ich užo siońnia nielha pryznavać, užo siońnia možna kazać, što hetyja vybary niesvabodnyja i niedemakratyčnyja».
