Aktyvistki FEMEN zajavili pra vykradańnie troch udzielnic ruchu ŭ Daniecku. Pa ich infarmacyi, dziaŭčat zatrymali ŭ roznych rajonach Daniecka supracoŭniki SBU. Nibyta pry hetym užyvałasia hrubaja fizičnaja siła. Aktyvistki FEMEN śćviardžajuć, što ich pratrymali ŭ pastarunku bolš za 9 hadzin, a potym advieźli ŭ trupiarniu adnoj z balnic na miedahlad — adna ź ich paskardziłasia na paboi. Paśla hetaha ich vyzvalili.
Ukrainskaja milicyja abviarhaje zajavy FEMEN. Pavodle viersii milicyjantaŭ, u pravaachoŭnyja orhany źviarnułasia naviednica kafe Makdonalds, jakaja nibyta vypadkova padsłuchała razmovu dźviuch dziaŭčyn, jakija niešta rychtavali na Danbas-arenie.
Nieŭzabavie milicyjanty zatrymali padobnych na apisańnie dziaŭčyn. Tyja nibyta pryznalisia, što naležać da FEMEN i nasamreč rychtavali akcyju na stadyjonie. Paśla ŭziaćcia tłumačeńniaŭ ich adpuścili.
Nahadajem, što 19 śniežnia 2011 paśla dziorskaj akcyi ŭ Minsku kala budynka KDB źnikli try aktyvistki FEMEN. Paźniej jany abjavilisia ŭ Jelskim rajonie. Dziaŭčaty zajavili, što ich vykrali nieviadomyja.
