«Kali trenier u tvar kaža słovami, jakich ja nie čuŭ, navat kali naviedvaŭsia ŭ turmu» — videa 33

12 maja prajšli matčy 10-tura čempijanatu Biełarusi pa futbole. U centralnaj hulni «Homiel» na svaim poli prajhraŭ BATE — 0:1 (Baha, 40). Heta ŭžo vośmaja zapar pieramoha barysaŭskaha kłuba.

Paślamatčavaja pres-kanfierencyja hałoŭnych trenieraŭ skončyłasia skandałam. Hałoŭny trenier BATE Viktar Hančarenka pakinuŭ jaje paśla pytańnia žurnalista, a hałoŭny trenier «Homiela» Aleh Kubaraŭ demanstratyŭna nie pryjšoŭ na jaje razam Hančarenkam, a śpiecyjalna źjaviŭsia paźniej i vykazaŭ usio, što dumaje pra padziei vakoł matča i kłub BATE:

«Kali trenier u tvar kaža słovami, jakich ja nie čuŭ, navat kali naviedvaŭsia ŭ turmu… Mnie paśla hetaha ŭ Barysaŭ jechać nie chočacca naohuł»:

Mnie paśla hetaha ŭ Barysaŭ jechać nie chočacca naohuł. Ja padumaju jechać ci nie.

Kali pierad kamandaj i mnoj vybačacca [mahčyma, havorka pra nieadekvatnyja vykazvańni Arcioma Kancavoha adnosna supiernikaŭ paśla matča -- NN], tady budziem dumać. A kali nie, to hroš-cana takim supiernikam. Jany prosta nie pavažajuć svaich kalehaŭ.

Možna ŭ hazietach razvodzić musi-pusi, brat-siastra. Ale kali tabie ŭ tvar kažuć takija rečy, to razumieješ, chto za hetym usim staić.

Abrazili nie mianie asabista, abrazili ŭsich. Prychodzić 9 tys., na vačach u dzieviaci tysiač treba ž trošački dumać. Razumieju chakieisty, jany mohuć bicca, łajacca. Trenier kłuba, jaki hulaje ŭ jeŭrakubkach, pavinien razumieć.

Vidać, pierad Pielehryni [trenier "Małahi", a raniej madrydskaha "Reała" i "Viljareała"] ci pierad kim tam na zadnich łapach chodziać, azadak całujuć, pakažycie nam raspaviadzicie. A tut takoje staŭleńnie.

***

Inšyja matčy: «Minsk» — «Biełšyna» — 3:0, «Naftan» — «Nioman» — 2:1, «Tarpieda» — «Dynama» Minsk — 0:0, «Słavija» — «Brest» — 2:1.

Paśla 10 turaŭ: BATE — 24, Homiel — 20, Šachcior — 16, Minsk, Dynama Minsk — 13, Biełšyna, Naftan — 11, Słavija — 10. Nioman — 8, Brest — 7, Tarpieda — 6.

Usie kamandy zhulali pa 9 matčaŭ, tolki «Biełšyna» — 10.

Matčy 11 tura (apošni tur 1-ha koła) projduć u piatnicu, 18 maja; 20 maja projdzie finał Kubka Biełarusi: «Minsk» — «Naftan».

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH