Nacyjanalnaja muzyčnaja premija: «Trojca» — hurt hoda, a Darafiejeva zastałasia bieź pieramohi 3

«Pieršaja nacyjanalnaja premija ŭ halinie estradnaha mastactva» — ciapier i ŭ Biełarusi źjaviŭsia svoj anałah «Hremi», «Załatoha hramafona», i inšych muzyčnych premij hoda. Karespandent «NN» adpraviŭsia na cyrymoniju ŭručeńnia premii, kab daviedacca čym ździvili biełarusaŭ muzyki ŭ 2011 hodzie.

«Heta adbyvajecca ŭpieršyniu ŭ historyi niezaležnaj Biełarusi. — kaža Anatol Jarmolenka, staršynia žury premii, a taksama adziny, aproč Ivana Kirčuka, chto źviartajecca da publiki pa-biełarusku. — Spadziajemsia, što heta premija stanie samaj značnaj padziejaj muzyčnaha hoda».

Asobnuju ŭdziačnaść Jarmolenka vykazvaje ministru Łatušku i žurnalistu Kazijatku, jakija choć i byli ŭ zale, ale na scenu tak i nie vyjšli.

Pałac Respubliki byŭ zapoŭnieny całkam. U astatnim ža premija apynułasia pradkazalnaj —

try hadziny šou vyhladali jak ahlad biełaruskaj pop-muzyki apošnich hod.

Ina Afanaśjeva — najlepšy žanočy vakał, Alaksiej Chlastoŭ — najlepšy mužčynski, najlepšy aŭtar słovaŭ — Nina Bahdanava (jakaja była adnoj ź viadoŭcaŭ cyrymonii).

Najlepšy kancert hoda — «Kachańnie — los» Cichanoviča i Papłaŭskaj,

jakija na samu cyrymoniju nie trapili, bo byli z kancertam u Razani. Zamiest ich vystupiła novaja hienieracyja «Vierasoŭ», jakaja jašče raz dakazvaje, što sučasnaje adnaŭleńnie słavutych hurtoŭ — zaniatak nie ŭdziačny. Dy i dziŭna, što «najlepšy kancert hoda» atrymlivajuć kłasiki estrady. Ujavicie: najlepšy kancert hoda Brytanii — Poł Makartni. Hałoŭnaja niespadziavanka —

hurt «Trojca» zasłužana staŭ hurtom hoda, a «Tom pieršy» novaha prajektu Hanny Chitryk «Sunduk» staŭ najlepšym albomam.

Ivan Kirčuk vystupić nie zmoh — usio ž taki muzyka «Trojcy» naŭrad ci ŭpišacca ŭ farmat pop-viečarynki ŭ Pałacy Respubliki. Zamiest ich vyjšaŭ śpiecyjalny hość — małady hurt «Drazdy» z chitom pra kiedy i paŭkiedy, što całkam suadnosiłasia z vyšejuzhadanym farmatam. Iryna Darafiejeva, jakuju naminavali ŭ dźviuch katehoryjach (albom i lepšy tur) nie atrymała ničoha. Najlepšy tur — «Elektryfikacyja ŭsioj krainy» J-morsa.

Uładzimir Puhač apynuŭsia adzinym muzykam, jaki śviadoma praśpiavaŭ biełaruskamoŭnuju pieśniu.

Druhaja prahučała ŭ naminacyi «Najlepšaja pieśnia na biełaruskaj movie», što vyklikała chvalu žartaŭ u viadoŭcaŭ. U naminacyi pieramahła Alena Łanskaja ź pieśniaj «Biełaja łastaŭka», pra što b vy dumali — pra luboŭ da Radzimy. Vasilki, krynicy, abrusy, biełaja chuścinka. Kali b choć adna z šmatlikich elektronnych pop-pieśniaŭ prahučała pa-biełarusku, «Łastaŭka» b taksama hladziełasia. Adnak biełaruskaści ad premii nichto nie čakaŭ.

Pieśniaj hoda pryznanyja «Karabli» Dźmitryja Kałduna, jaki usio bolš pracuje na telekamiery, čym na zał. Pryz hladackich simpatyj — Iryna Vidava (7000 hałasoŭ!), i

pryz ad sponsaraŭ — hrašovy ŭkład na depazicie «Škvarka».

Pamiž vystupleńniami pieramožcaŭ ładzilisia pałstyčna-tancavalnyja numary, adzin ź jakich, padčas jakoha na scenu vyjšli «cyhanie» i pačali śpiavać «Jechali na trojkie s bubiencami» u rešcie rešt rastarmašyŭ zału, jakaja, zdajecca da hetaj pieśni pavodziła siabie bolej čym ścipła. A pa ideje, premija-ta narodnaja. Asobna ŭšanavali Mulavina — za ŭniosak u biełaruskuju muzyku. Pad «Kaladu» «Pieśniaroŭ» ludzi ŭ rešcie rešt padnialisia ź miescaŭ.

Siarod inšych naminantaŭ — Saša Nema, pradziusar Maksim Alejnikaŭ (jaki stvaryŭ hurt «Toples»), Lidzija Zabłockaja, śpiavačka Vieniera (jakaja abyšła pa sceničnym vobrazie navat «Srebranaje viasielle»). Za try hadziny šou skłałasia ŭražańnie, što biełaruskaja muzyčnaja industryja pradukuje amal vyklučna pop-muzyku, padobnuju da rasijskaha anałahu: ni džazu, ni bluzu, ni akademičnaj muzyki, ni roku, ciažejšaha za J-mors u krainie nibyta i niama. Kali «estradnaja premija», to «Trojca taksama nie estrada, a pop-muzyka moža mieć roznyja karani — nie tolki dram-mašynu i tekst pra kachańnie. I bolšaść naminantaŭ 2011 hoda my viedajem užo niekalki hadoŭ. Kamanda KVZ Pieduniviersiteta, jakaja vykonvała adnu ź intermiedyj pamiž uznaharodami vielmi trapna pažartavała na hety kont: čamu

Keci Pery nie moža atrymać «klip hoda Biełarusi»? Bo Keci Pery nie siabroŭka BRSM.

Varta ŭzhadać i pra śpiecyjalny pryz ad radyjostancyj, jaki atrymali Alaksiej Chlastoŭ i małady hurt Prosspect — «załataja ratacyja» na Piłot-FM. Heta značycca što

ich pieśni buduć źjaŭlacca ŭ efiry vosiem razoŭ na dzień ciaham miesiaca

, i takim čynam stanovicca zrazumieła, jakuju muzyku my budziem słuchać u nastupnym hodzie.

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH