Tenhiz Dumbadze syšoŭ z ANT na hrašovuju pasadu 8

Jak siońnia pryznajecca «Kamsamołcy» Dumbadze, prapanova ŭznačalić biełaruski ofis «teleradyjoviaščalnaj arhanizacyi sajuznaj dziaržavy» pastupiła jamu jašče ŭletku ad staršyni kanała Ihara Uholnikava.

— Z hetaj pryčyny ja z novaha siezona nie pajšoŭ pracavać u kadr tok-šou «Adkryty farmat». Kab potym, u siaredzinie siezona hledačy nie šukali jakich-niebudź pryčyn majho sychodu z prahramy, — kaža Dumbadze. — Słava Bandarenka i bieź mianie daje rady.

Praŭda, z ANT całkam sychodzić Dumbadze nie źbirajecca. Budzie pracavać pa pryncypie svaich kaleh Alaksandra Siarebranikava i Hieorhija Kałduna, jakija, nahadajem, apošnija paŭhoda katajucca ŭ susiednija krainy (Rasija, Ukraina), dzie viaduć prahramy.

«Pieradača «Dychańnie płaniety» sa mnoj u efiry ANT zastaniecca. Byŭ u Afhanistanie. U studzieni jedu ŭ Pakistan, — raspaviadaje Tenhiz. — Bolš za toje, ja ŭžo damoviŭsia, i z Novaha hoda maja prahrama budzie vychodzić na kanale TRA «Sajuz».

Nahadajem, na ANT Tenhiz pracavaŭ z 2004 hoda. Aŭtar, viadučy i kiraŭnik tvorčaj hrupy prahramy «Dychańnie płaniety». Paśla zakryćcia prahramy «Vybar» ź Siarhiejem Darafiejevym staŭ suviadučym tok-šou «Adkryty farmat».

0

0

0

0

0

0

kp.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH