Unikalny mužčynski chor znoŭ źbirajecca razam praź pierapynak amal u 10 hadoŭ. Pra heta «Tuzinu Hitoŭ» paviedamiŭ dyryžor i chormajstar Kiryła Nasajeŭ, jaki ŭ svoj čas adradziŭ u Biełarusi mužčynski kamierny śpieŭ: «My viarnulisia z „Unijaj“, bo za čas našaj adsutnaści ŭ hetaj płyni ničoha nie adbyłosia. Novych mužčynskich charavych kalektyvaŭ paprostu nie źjaviłasia».
Pakul Kiryła Nasajeŭ prosić kazać, što «Unija» paŭstała nanoŭ, ale nie adradziłasia. «My prosta sabralisia razam praz praciahły pierapynak. A pra adradžeńnie možna budzie skazać, kali my zrobim niešta novaje».
Kamierny chor «Unija» byŭ zasnavany ŭ 1990 h. U 1993 h. zaniaŭ pieršaje miesca na fiestyvali duchoŭnaj muzyki, u 1995 staŭ łaŭreatam konkursa imia Šubierta ŭ Vienie, davaŭ kancerty ŭ Francyi, Bielhii, Tureččynie, Polščy, Litvie. U 1996 hodzie chor zapisaŭ prahramu «Muzyka Litvy i Karony», jakaja była vydadziena na kasietach i daŭno ŭžo stała rarytetam. A ŭ 1998 h. była vydadziena jašče adna ŭnikalnaja prahrama — «Biełaruskija maršy i pieśni. Liryka zmahańnia», pryśviečanaja
Udzielniki choru praciahnuli pracu ŭ muzyčnaj śfiery, niechta pajechaŭ na zarobki za miažu, niechta pajšoŭ u opieru. Sam Nasajeŭ zasnavaŭ inšy chor Fama Bona, jaki vykonvaŭ staradaŭniuju biełaruskuju muzyku z kvartetam strunnych i arhanam. Peŭny čas kiravaŭ choram «Mienka», vykładaŭ u muzyčnaj vučelni. Darečy, siarod vučniaŭ Nasajeva — śpiavačka Rusia. Ciapier chormajstar vykładaje ŭ Akademii muzyki.
Kaściak choru zastaŭsia. Akramia ŭłasna Nasajeva, heta Andrej Chabibulin, Uładzimir Prudnikaŭ, Vital Ziuskin. Kolkaść udzielnikaŭ vahajecca. Ciapier u chory 12 čałaviek, ale pry patrebie Kiryła moža sabrać da 15 vykanaŭcaŭ. Dyryžor tłumačyć: «My viarnulisia z „Unijaj“, bo za čas našaj adsutnaści ŭ hetaj płyni aničoha nie adbyłosia. Novych mužčynskich charavych kalektyvaŭ paprostu nie źjaviłasia». Zatoje źjaviŭsia hurt z takoj ža nazvaj, jaki vykonvaje
Ciapier chor rychtujecca da pieršaha kancertu.
Jon projdzie 16 listapada ŭ minskim Pałacy prafsajuzaŭ.U prahramu ŭklučany 22 tvory pad umoŭnaj nazvaj «Najlepšaje». Buduć hučać i staradaŭnija śpievy, i narodnyja tvory, francuzski šanson i navat kampazicyi The Beatles va ŭłasnaj apracoŭcy. Siarod cikavostak — śpieŭ pra Nioman na słovy Alesia Haruna i pieraasensavańnie narodnaha śpievu «Oj, sivy koń biažyć».
Akrom taho, «Unija» choča pieravydać svoj albom «Biełaruskija maršy i pieśni», a taksama zapisać jaho praciah. Čatyry kampazycyi dla «Maršaŭ i piesień — 2» užo napisanyja.
* * *
Kancert «Unii» adbudziecca siońnia, 16 listapada ŭ Pałacy prafsajuzaŭ (Kastryčnickaja płošča). Pačatak, a 19.00. Kvitki kaštujuć 15–30 tysiač rubloŭ. Daviedki pa t.:(029) 643-78-36 . Bilety ŭ kasach Pałaca prafsajuzaŭ jašče jość.
