Pieršy dzień adzinaj handlovaj siesii na Biełaruskaj valutna-fondavaj biržy prynios lohkaje ŭmacavańnie rubla. Tarhi prajšli litaralna za piać chvilin i skončylisia z nastupnymi vynikami:
Kurs dalara apuściŭsia z 8 680 da 8 660 rubloŭ.
Jeŭra nie źmianiŭsia i zastaŭsia na ŭzroŭni 11 900 rubloŭ.
Rasijski rubiel patańnieŭ z 277 da 276 rubloŭ.
Cikava, što pa novych praviłach tarhoŭ mienavita rasijskaj valutaj handlujuć pieršaj. Raniej pačynali z dalara.
* * *
U vieraśni na dadatkovaj siesii pieršyja tydni doŭžyłasia svojeasablivaja psichałahičnaja ataka. Štodzień kurs źnižali na paru dziasiatkaŭ i socień rubloŭ, kab stvaryć adpaviednyja nastroi na rynku. Spačatku taki pryjom spracavaŭ, i kurs padaŭ. Ale ŭrešcie kurs nastolki razyšoŭsia ź finansavaj rečaisnaściu, što spatrebilisia valutnyja interviencyi Nacbanka. A pakolki łukašenkaŭcy valutu rastracili ŭ 2010—2011 hadach i nie majuć jaje dahetul, to heta skončyłasia abvałam kursu da 9000 u pačatku kastryčnika.
Cikava, jakaja budzie dynamika kursu zaraz.
