Masavyja zatrymańni, źbićcio ludziej u stalicy na Pryvakzalnaj płoščy. Novy «Viečar apładysmientaŭ»: iznoŭ sotni ŭdzielnikaŭ va ŭsioj krainie, błakavanyja płoščy i śpiektakl zapałochvańnia.
U Minsku sotni čałaviek iznoŭ vyjšli na Płošču z pratestam. Na hety raz heta była Pryvakzalnaja płošča. Mnohija ludzi vyjšli siemjami, ź dziećmi, a sutyknulisia z chamstvam i zatrymańniami. Niahledziačy na dziasiatki zatrymańniaŭ, ludzi zastavalisia na Płoščy ŭparta, da apošniaha. .
Akazałasia, što ludzi byli psichałahična nie hatovyja pratestavać u prysutnaści Łukašenki, na paradzie, ale hatovyja da adčajnaha mirnaha stajańnia ŭviečary.
Pakul niemahčyma dakładna nazvać ličbu zatrymanych žycharoŭ stalicy. Reparciory «Našaj Nivy» byli śviedkami zatrymańnia nie mienš za 100 čałaviek. Karespandenty stali vidavočcam taho, jak ad Pryvakzalnaj płoščy adjechali 4–5 aŭtazakaŭ i 3–4 aŭtabusy z zatrymanymi.
Pavodle źviestakZatrymańni pravodzilisia arhanizavanymi hrupami asobaŭ u cyvilnym, pieravažna brytahałovych. Zatrymlivali ludziej z užyćciom siły, časam žorstka źbivali.pravaabaroncaŭ-viasnoŭcaŭ , u RUUSy dastaŭlena nie mienš za 120 čałaviek.
Hicli ŭ cyvilnym siońnia pieraškadžali pracy žurnalistaŭ. Na vačach u reparcioraŭ «Našaj Nivy» heta zdaryłasia dvojčy. Typy pyrskali reparcioram piarcovym hazam, časam prosta ŭ tvar. Usiaho takich vypadkaŭ, pavodle śviedčańniaŭ žurnalistaŭ, było prynamsi šeść.
Reparcior ahienctva «Interfaks» staŭ vidavočcam taho, jak hrupa asobaŭ u cyvilnym paśla razhonu ludziej skiravałasia da šapika «Ježa ŭ darohu». Jany byli ŭ humory, žartavali miž saboj, byli zadavolenyja saboj. Jany nabyli piražki z kapustaj i kvas i siłkavalisia.
U Mahilovie na vulicy vyjšła bolš ludziej, čym u Minsku. Tam adbyłasia najbolšaja ad 1996 hoda akcyja pratestu. U šeści ŭziali ŭdzieł nie mienš za 1000 čałaviek.Nahadajem, što Mahiloŭščyna — radzima Łukašenki.
U Hrodnie, Homieli i Breście na vulicy vyjšli sotni ludziej. Jość zatrymanyja. U Hrodnie, pavodle papiarednia infarmacyi, zatrymali dziasiatki ludziej. Toje adbyłosia paśla pryjezdu na Płošču staršyni miascovaj viertykali sp. Šapiry.
Žycharki Minska sprabujuć adbić zatrymanych na Pryvakzalnaj płoščy pratestoŭcaŭ. Photo.bymedia.net
Minsk, 3 lipienia. Ludzi pratestujuć suprać Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Siońnia na Pryvakzalnaj płoščy hicli ŭ cyvilnym pieraškadžali pracy žurnalistaŭ. Na vačach u reparcioraŭ «Našaj Nivy» heta zdaryłasia dvojčy. Typy pyrskali piarcovym hazam, časam prosta ŭ tvar. Usiaho takich vypadkaŭ, pavodle śviedčańniaŭ žurnalistaŭ, było prynamsi šeść. Fota Jeŭraradyjo.
Pry vykanańni płana pa zatrymańniach zdaralisia kurjoznyja vypadki. Tak, typ u cyvilnym uziaŭ za škirku znakamitaha namieśnika načalnika Centralnaha RUUS majora Hryščanku, jaki prasłaviŭsia svaim udziełam u razhonie mirnych akcyj pratestu. Hryščanku pryjšłosia adbivacca ad svaich ža.. Photo.bymedia.net
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Typy ŭ cyvilnym zatrymlivajuć praciŭnikaŭ Alaksandra Łukašenki. Fota Siarhieja Hudzilina.
Minsk, 3 lipienia. Ludzi pratestujuć suprać Alaksandra Łukašenki. Fota Siarhieja Hudzilina.
Minsk, 3 lipienia. Ludzi pratestujuć suprać Alaksandra Łukašenki. Fota Siarhieja Hudzilina.
20.30
U Kastryčnicki RUUS pryvieźli dva aŭtazaki i aŭtobus z zatrymanymi, siarod ich žurnalist Alaksandar Barazienka.
20:20
U Mahilovie ŭ časie razhonu šeścia milicyja aryštavała žurnalista Alesia Asipcova, pravaabaroncu Barysa Buchiela i šmat inšych udzielnikaŭ akcyi. Pra heta dla radyjo «Svaboda» paviedamiła žonka žurnalista Alena Asipcova. U Mahilovie ŭdzieł u šeści ŭziali bolš za 1000 čałaviek. Heta najbolšaja akcyja pratestu ŭ horadzie ad 1996 hoda.
20.02
Akcyja skončyłasia, u hurcie zastajucca ŭsiaho kala 30 čałaviek. I mienavita ciapier padvieźli zdymačnyja hrupy BT i ANT. Jany zdymajuć. Mahčyma, telehledačy zmohuć pierakanacca, jaki małaludny byŭ pratest na Pryvakzalnaj płoščy.
19.46
Patelefanavaŭ baćka adnaho z zatrymanych —
19.44
Typy ŭ cyvilnym sčapilisia ŭ łancuh, sprabujuć vyciaśnić 300–400 pazastałych kala viežaŭ pratestoŭcaŭ.
19.40
Kala adnoj ź viežaŭ sabralisia maładyja žančyny. Jany hučna, krykma kryčać, pratestujuć suprać darahavizny, rostu cenaŭ, kažuć: dziciačyja rečy da čaho padaraželi, jak pražyć? U adnoj z žančyn zdaryłasia sapraŭdnaja isteryka. Kolki kaštujuć pampiersy, dziciačaje charčavańnie? Jak pražyć, kryčyć jana. Žančyn abstupili žurnalisty. Da ich padyšoŭ asabista Jaŭsiejeŭ, sprabuje ich razahnać.
19.35
Zatrymańni prypynilisia. Pavodle acenki reparciora «Našaj Nivy», mahło być zatrymana nie mienš za 100 čałaviek. Na hety momant, niahledziačy na masavyja zatrymańni, na Płoščy z boku viežaŭ praciahvajuć stajać kala 500 pratestoŭcaŭ. Pratesty adčajna zaciatyja.
19.34
Pieršyja videa:
Čałaviek vysunuŭsia z vakna doma nad prypynkam aŭtobusa, apładziruje, milicyjanty jamu pahražajuć sankcyjami.
19.24
Ludzi davoli masava supraciŭlajucca zatrymańniu asobami ŭ cyvilnym. U asobaŭ u cyvilnym uvuššu słuchaŭki. Zatrymańni supravadžajucca žorstkim źbićciom.
19.22
Masavyja zatrymańni raspačalisia z procilehłaha boku Pryvakzalnaj płoščy.
19.18
Asoby ŭ cyvilnym u druhi raz raspylili piarcovy haz, kab pieraškodzić pracy žurnalistaŭ. Zatrymańni nabyli masavy charaktar. zatrymana nie mienš za 30 čałaviek. Tym nie mienš, apładysmienty praciahvajucca z supraćlehłaha boku Płoščy,
19.16
Zatrymańni robiacca masavymi. Hramada adkazvaje na zatrymańni apładysmientami. «Što vy robicie?» — my čujem, jak kryčać śpiecnazaŭcam žančyny, pakul naš kar. pieradaje infarmacyju praz telefon. Prynamsi 150 čałaviek vitajuć pratestoŭcaŭ z vakon vakzała.
19.14
Prykładna pa 50 čałaviek staić kala kožnaha z damoŭ ź viežami.
19.11
Na Pryvakzalnaj płoščy skancentravana niekalki dziasiatkaŭ śpiecnazaŭcaŭ i cicharoŭ u cyvilnym. Niekalki advažnych piensijanierak chodziać i haniać ich za toje, što jany nie dazvalajuć ludziam chadzić, kudy ludzi chočuć.
19.07
Ahułam na Płoščy sabrałasia niekalki socień čałaviek. Najbolš — kala sta — hurtujecca kala budynku mižnarodnych kasaŭ.
19.00
Milicyja nie dazvalaje nikomu, akramia žurnalistaŭ, stajać na Pryvakzalnaj płoščy. Jana haniaje ŭsich, chto sprabuje tudy patrapić. Na vačach u žurnalistaŭ zatrymali prynamsi troch chłopcaŭ. Imiony ich pakul nieviadomyja. Na Pryvakzalnaj płoščy źjavilisia brytahałovyja typy ŭ cyvilnym, jakija zatrymlivali ludziej 29 červienia. Na Płošču padjechali 3 aŭtazaki, a taksama aŭtobus dla pieravozki zatrymanych.
18.52
Na Pryvakzalnaj płoščy ŭžo sabrałasia niekalki dziasiatkaŭ čałaviek, jaŭna nie vypadkovaha charaktaru.
18.51
Z hałoŭnaha vychadu vakzała na Pryvakzalnuju płošču vypuskajuć usich, a voś z padziemnaha pierachodu ludziej navierch nie prapuskajuć, raźviartajuć nazad.
18.50
Jak tolki reparciory «NN» pryjšli na Pryvakzalnuju płošču, da ich adrazu padyšoŭ milicyjant i paprasiŭ «tut nie bavicca, bo tut budzie sustreča delehataŭ». Jakich delehataŭ? Adkazu jon nie viedaŭ. Paśla taho jak jamu pakazali žurnalisckija paśviedčańni, jon adrazu paprasiŭ prabačeńnia i adyšoŭ.
* * *
U Minsku aktyvisty sklikajuć pratestoŭcaŭ da vakzała, u rehijonach — na centralnyja płoščy. Heta maje być praciah fiejeryčnych «Viečaroŭ apładysmientaŭ», što nabyli papularnaść u červieni.
Ci pratesty paŭtorycca siońnia, ci entuzijazm pojdzie na spad? Upłyŭ moža mieć navat faktar nadvorja. U Minsku nieba prajaśniłasia, ale ŭ cełym praź Biełaruś kocicca chvala daždžoŭ.
Pieršy etap siońniašniaj akcyi maŭklivaha pratestu nie ŭdaŭsia z abjektyŭnych pryčynaŭ, ličyć adzin ź inicyjataraŭ «Revalucyi praz sacyjalnyja sietki» Viačasłaŭ Dzijanaŭ. U časie paradu masavych apładysmientaŭ nie prahučała. Uvohule, minčuki praihnaravali parad: jaho nazirali ličanyja tysiačy žycharoŭ stalicy.
U kamientary BiełaPAN Viačasłaŭ Dzijanaŭ skazaŭ. «My rychtujemsia da viečara».
Jon paviedamiŭ, što papiarednie abvieščany ŭ sietkach płan dziejańniaŭ zastajecca ŭ sile, a ŭsie inšyja scenary varta rasceńvać jak pravakacyi.
