«Mnie było prapanavana napisać zajavu ab zvalnieńni. Ja napisaŭ».
Mnie było prapanavana napisać zajavu ab zvalnieńni. Ja napisaŭ, — prakamientavaŭ Siarhiej Darafiejeŭ navinu pra svajo zvalnieńni z telekanała ANT.
— Ź jakoj pryčyny?
— Kankretnaj pryčyny nie było. Ja mahu tolki vykazać zdahadku, što kanał nie zadavolili maje prafiesijnyja i asabistyja jakaści.
— Čym budziecie zajmacca?
— Viedaju dakładna, što ja pracuju da kanca miesiaca. Z prafiesii sychodzić nie źbirajusia. Budu pracavać i imknucca zastavacca viernym sabie.
— U Biełarusi ci za miažoj?
— U Biełarusi i nie tolki. Ja nie lublu havaryć ab płanach, tolki kali ŭsio ŭžo adbyłosia. A płany ŭ mianie źviazanyja z prafiesijaj i jany dosyć surjoznyja.
Nahadajem, paśla śpiecyjalnaha vypusku tok-šou «Vybar» 19 śniežnia, pryśviečanaha prezidenckim vybaram u Biełarusi, televiadučaha Siarhieja Darafiejeva adpravili ŭ miesiačny adpačynak. Paśla viartańnia, u efir jon bolš nie viarnuŭsia i praciahvaŭ zajmać pasadu dyrektara dyrekcyi ranišniaha viaščańnia kanała ANT. — Paśla taho, jak začynili «Vybar», pracavać na kanale z kožnym dniom mnie było ŭsio składaniej i składaniej psichałahična. Było vielmi niekamfortnaje stanovišča, — raspavioŭ Siarhiej Darafiejeŭ «Kamsamołcy».
