Kiraŭniki MZS Niamieččyny i Polščy Hida Vestervele i Radasłaŭ Sikorski vystupili z sumiesnaj zajavaj, jakaja asudžaje razhon demanstracyi ŭ Miensku i zatrymańnie kandydataŭ u prezydenty.
«My rašuča asudžajem akty hvałtu, jakija pajšli paśla prezydenckich vybaraŭ u Biełarusi, i ŭ asablivaści źbićcio i zatrymańnie niekalkich lideraŭ apazycyi, siarod jakich u tym liku i kandydaty ŭ prezydenty»,- havorycca ŭ zajavie ministraŭ, raźmieščanym na sajcie MZS Polščy.
Pravaachoŭnyja orhany ŭ Miensku, pa acency kiraŭnikoŭ MZS eŭrapiejskich dziaržavaŭ, «praihnaravali isnujučyja ŭ demakratyčnych krainach pravy hramadzian na svabodnaje volevyjaŭleńnie i schody». R. Sikorski i H. Vestervele zaklikali «biełaruskija ŭłady nieadkładna vyzvalić usich aryštavanych i pačać dyjaloh z apazycyjaj».
Ministry nahadali, što pry naviedvańni Miensku ŭ listapadzie jany zaklikali kiraŭnictva Biełarusi pravieści vybary ŭ adpaviednaści ź mižnarodnymi standartami.
«Sa škadavańniem adznačajem, što i pa vynikach acenki vybaraŭ ABSE vybary nia stali bolš svabodnymi i spraviadlivymi. Heta aznačaje rehres, adkat nazad u imknieńni narodu Biełarusi da demakratyi», — adznačajecca ŭ dakumencie.
Vestervele i Sikorski nahadali, što «pavaha da demakratyi i pravach čałavieka, a taksama viaršenstva zakona źjaŭlajecca adnoj z umoŭ dla pašyreńnia ramak supracoŭnictva pamiž EZ i Biełaruśsiu».
«Sumiesna z našymi eŭrapiejskimi kalehami my zaraz abmiarkoŭvajem nastupstvy padziejaŭ u Miensku i jak jany paŭpłyvajuć na našaj palitycy ŭ adnosinach da Biełarusi», — havorycca ŭ zajavie.
