Alaksandar Milinkievič «reprezentuje Svabodnuju Biełaruś u Eŭropie» («NN», №4). Ale reprezentacyja krainy — nie hałoŭnaja zadača demakratyčnych siłaŭ, a pahatoŭ pretendenta na najvyšejšuju pasadu. Dalboh, dadatkovyja sustrečy z aktyvistami ŭ prablemnych rajonach — Brahinie, Haradku ci Łunincy — prynieśli b adzinamu bolš karyści. Asabliva ŭ źviazku z učynkam jaho byłoha prateže sp.Domaša.
Za apošnija dziesiać hadoŭ statusnyja apazycyjanery abjeździli śviet uzdoŭž i ŭpopierak. Z majho hledzišča, efekt ad sukupnaści ichnich vajažoŭ chutčej admoŭny. Asabistaje zaprašeńnie niamieckaj kanclerki — nie aby-jakaja spakusa dla palityka. Tym lepš byŭ by ŭspryniaty vybarcami adkaz nakštałt: «Šanoŭnaja pani, z pryjemnaściu naviedaju vašu cudoŭnuju krainu. Paśla pieramohi».
