U minskim vydaviectvie «Knihazbor» u sieryi «Biełaruski knihazbor» vyjšli vybranyja tvory łaŭreataŭ Dziaržaŭnaj premii Biełarusi paeta Vasila Zujonka i historyka Mikoły Jermałoviča, paviedamiŭ dyrektar vydaviectva Hienadź Viniarski.
Pavodle jaho słoŭ, u 512-staronkavuju ilustravanuju knihu Zujonka ŭvajšli paema «Maŭčańnie travy», a taksama prazaičnyja elehii, ese, eciudy i litaraturna-krytyčnyja artykuły.
Va ŭstupie da vydańnia litaraturaznaŭca Natalla Zajac adznačaje, što za amal paŭvieka pracy ŭ litaratury Vasil Zujonak stvaryŭ svoj niepaŭtorny mastacki śviet, pa-haspadarsku rupliva źbirajučy słovy va ŭłasnuju paetyčnuju sialibu. «Emacyjny centr jaho žyćcia znachodzicca, napeŭna, niedzie pobač z Mačuliščam — na małoj radzimie piśmieńnika ŭ Krupskim rajonie. Adtul siłkujecca jaho šmatfarbnaja raznastajnaja prablemnaja ŭ tematyčnych i žanravych admietnaściach tvorčaść».
U 640-staronkavuju ilustravanuju knihu Jermałoviča ŭvajšli jaho najbolš hruntoŭnaja daśledčyckaja praca «Biełaruskaja dziaržava Vialikaje kniastva Litoŭskaje», a taksama krytyčnyja, publicystyčnyja, litaraturna-mastackija tvory i epistalarnaja spadčyna. Pryčym, amal usie tvory lehiendarnaha historyka i litaratara, zabaronienaha ŭ savieckija časy, drukujucca ŭpieršyniu.
Knihi vyjšli nakładam adpaviedna ŭ 1 tys. i 800 ekziemplaraŭ pa košcie 20 i 30 tys. rubloŭ.
Marat Haravy, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
