Kiraŭnik Biełarusi Alaksandr Łukašenka padpisaŭ ukaz № 527, jakim pradastaviŭ prava ŭradu Biełarusi ažyćciaŭlać u 2010–2011 hadach vypuski dziaržaŭnych ablihacyj Respubliki Biełaruś na rasijskim rynku. Tekst ukaza raźmieščany na Nacyjanalnym pravavyminternet-partale . Ukaz ustupaje ŭ siłu z dnia jaho padpisańnia.
U dakumiencie havorycca, što ŭ metach pryciahnieńnia zamiežnych inviestycyj u ekanomiku krainy Savietu Ministraŭ pradastaŭlena prava ažyćciaŭlać u 2010–2011 hadach vypuski dziaržaŭnych ablihacyj Respubliki Biełaruś na sumu da 15 młrd. rasijskich rubloŭ (uklučna) z terminam abaračeńnia da piaci hadoŭ i arhanizavać ich raźmiaščeńnie na terytoryi Rasijskaj Fiederacyi ŭ adpaviednaści z Pahadnieńniem ab akazańni pasłuh pa arhanizacyi raźmiaščeńnia dziaržaŭnych ablihacyj Respubliki Biełaruś, naminiravanych u valucie Rasijskaj Fiederacyi i emitujemych na terytoryi Rasijskaj Fiederacyi, ad 23 śniežnia 2009 hoda.
Akramia hetaha, uradu pradastaŭlena prava ŭchvalać prajekty praśpiekta kaštoŭnych papier, hłabalnych siertyfikataŭ vypuskaŭ ablihacyj, a taksama dahavoraŭ, źviazanych z vypuskam, raźmiaščeńniem, abaračeńniem, pahašeńniem ablihacyj, ulikam pravoŭ na ich.
Taksama Savietu Ministraŭ daručana zabiaśpiečvać absłuhoŭvańnie ablihacyj, uklučajučy vypłatu kamisij, uznaharodžańniaŭ i ažyćciaŭleńnie inšych raschodaŭ, źviazanych ź ich vypuskam, raźmiaščeńniem, abaračeńniem i pahašeńniem, ulikam pravoŭ na ich, i pahašeńnie ablihacyj za košt srodkaŭ, praduhledžanych u respublikanskim biudžecie dla absłuhoŭvańnia źniešniaha dziaržaŭnaha doŭhu.
Kantrol za vykanańniem ukaza ŭskładzieny na Kamitet dziaržaŭnaha kantrolu.
Jak paviedamlaŭ raniej ministr finansaŭ Biełarusi Andrej Charkaviec, Minfin zachoŭvaje vysokuju stupień hatoŭnaści da vychadu na rasijski rynak ablihacyj. «Jak tolki Prezident Biełarusi padpiša ŭkaz nakont hetaha, my adrazu budziem hatovy jaho realizavać», — skazaŭ ministr. «Stupień hatoŭnaści absalutnaja», — dadaŭ Andrej Charkaviec.
Ministr finansaŭ taksama nahadaŭ, što arhanizatarami vypusku stanuć Śbierbank Rasii i jašče dva banki.
