1 žniŭnia na bierazie Minskaha mora projduć spabornictvy pa ekstrym-biehu

Jak paviedamiŭpamočnik staršyni kłuba amataraŭ biehu «Viktoryja» Vasil Laleka, udzielnikam spartyŭnaha spabornictva budzie prapanavana dystancyja daŭžynioj 5 km.

Spartsmienam nieabchodna pieraadoleć piać kiłamietrovych kruhoŭ, kožny ź jakich napałovu składajecca z vodnaj pieraškody hłybinioj pryblizna mietr i napałovu — ź bierahavoj zony trasy.

Pavodle słoŭ Laleki, da ŭdziełu ŭ «Ekstrym-biehu» zaprašajucca ŭsie, chto pažadaje, jak prafiesijnyja spartsmieny, tak i amatary biehu. Rehistracyja ŭdzielnikaŭ projdzie 1 žniŭnia z 9.00 da 10.40 u rajonie plaža № 1 vadaschovišča.

Pieramožcy vyznačacca ŭ šaści ŭzrostavych katehoryjach siarod mužčyn i žančyn. Jany buduć uznaharodžany pamiatnymi dypłomami, miedalami i vympiełami. Taksama budzie ŭznaharodžany ŭładalnik samaha aryhinalnaha nahrudnaha numara, jaki ŭdzielnikam dazvalajecca malavać na ciele piermanientnym markieram.

Mierapryjemstva arhanizujuć adździeły fizičnaj kultury, sportu i turyzmu Minskaha rajona i Kastryčnickaha rajona stalicy, Biełaruskaja fiederacyja lohkaj atletyki, Kastryčnicki fizkulturna-azdaraŭlenčy centr Minska i kłub amataraŭ biehu «Viktoryja». Bolš padrabiaznuju infarmacyju možna znajści na sajcie klbviktoria.com.

Druhija biełaruskija spabornictvy «Ekstrym-bieh» adbylisia na bierazie Minskaha mora 2 lipienia 2009 hoda. Udzieł u ich uziali 75 čałaviek, u tym liku prykładna 10 žančyn.

0

0

0

0

0

0

Taćciana Daraščonak, BiełaPAN.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH