Śpis temaŭ, jakija lepiej nie zakranać u sacyjalnych sietkach.
Jaŭki i paroli
Sacyjalnyja sietki vykarystoŭvajucca nie tolki dla znosin, ale i dla zachoŭvańnia i abmienu sakretnymi dadzienymi. Pryčym niekatoryja karystalniki mohuć vystavić na ŭsieahulny ahlad parol i ad samoj sacyjalnaj sietki. Tamu asabliva naiŭnym rajać adrazu ž źmianić parol paśla taho, jak jon trapiŭ u čyjuści čužuju skryniu.
Dziavočaje proźvišča
Nielha nie zhadać i pra kodavyja słovy, jakija vykarystoŭvajucca dla adnaŭleńnia zabytaha parola. Nie sakret, što samymi papularnymi z kodavych pytańniaŭ źjaŭlajucca albo dziavočaje proźvišča maci, albo numar škoły. Mienavita z hetaj pryčyny karystalnikaŭ, jakija žadajuć dać pra siabie jak maha bolš infarmacyi, pieraścierahajuć ad afišavańnia proźviščaŭ svajakoŭ i numaroŭ navučalnych ustanovaŭ.
«Ściana» hańby
Nastupnymi ŭ śpisie zabaronienych dziejańniaŭ u sacyjalnych sietkach apynulisia publikacyi paviedamleńniaŭ asabistaha charaktaru na tak zvanaj «ścianie». Nie treba zabyvać pra toje, što šedeŭry na «ścianie» bačyć nie tolki atrymalnik, ale i inšyja karystalniki. Tamu pierad tym jak dasłać čarhovaje paviedamleńnie pravakacyjnaha źmiestu, varta zadumacca, ci nie naškodzić jano adrasatu.
Prynada dla machlaroŭ
Kantaktnyja dadzienyja, u pryvatnaści adras i telefon, taksama nie varta pakidać u adkrytym dostupie. Pamiatajcie, što złamyśniki ŭ luby momant mohuć vykarystać hetuju infarmacyju ŭ niezakonnych metach, asabliva kali viedajuć, u jaki čas vas nie byvaje doma.
Płany na viečar
Dla abmierkavańnia płanaŭ na viečar ci vychodnyja lepš vykarystoŭvać asabistuju pierapisku abo stvarać zakrytyja hrupy. Inakš infarmacyja pra malaŭničy ŭik-end moža być vykarystanaja suprać vas samich (hladzicie papiaredni punkt).
Bieražycie svoj kašalok
Infarmacyja pra finansavaje stanovišča źjaŭlajecca, badaj, adnoj z samych sakretnych. Ni ŭ jakim razie nielha paviedamlać pra pamier vašaha zarobku i pra toje, dzie vy jaho atrymlivajecie i zachoŭvajcie.
Vy i vaša praca
Pad hryfam sakretnaści pavinnaja zastacca i infarmacyja ab vašaj arhanizacyi. Adnym z samych jarkich prykładaŭ takoha vypadku źjaŭlajecca historyja z kampanijaj Microsoft. Praz profili supracoŭnikaŭ «kamputarnaha hihanta» ŭ sacyjalnaj sietcy Linkedin žurnalistam nieadnarazova ŭdavałasia atrymać źviestki pra raznastajnyja navinki ci płany kampanii za niekalki miesiacaŭ da ich aficyjnaha apublikavańnia.
Dziciačyja foty
Biaskryŭdnyja na pieršy pohlad fotazdymki dziaciej nasamreč mohuć stacca złym žartam dla ich uładalnika. Pa-pieršaje, nielha zabyvać pra ludziej, chvorych na piedafiliju, a pa-druhoje, infarmacyja ab tym, što dzicia zastajecca doma adno, moža pryvieści da nastupstvaŭ, apisanych vyšej.
Palaŭničyja na kampramat
Infarmacyja z vašaha profilu taksama moža być vykarystanaja inšymi servisami i ŭ vyniku nakiravanaja suprać vas. Isnuje niamała kurjoznych vypadkaŭ, kali čałaviek, adprasiŭšysia z pracy z pryčyny kiepskaha samaadčuvańnia, zamiest kabinieta stamatołaha pravodziŭ čas na jakoj-niebudź viečaryncy, a pracadaŭca vypadkova atrymlivaŭ fota «ciažka chvoraha supracoŭnika».
Sam sabie vorah
Davierliva publikavać infarmacyju pra siabie, spadziejučysia tolki tolki na toje, što naŭrad ci chtości ŭbačyć jaje, akramia samych blizkich ludziej, — pamyłka mnohich karystalnikaŭ. Pamiatajcie, što bolšaja častka dadatkaŭ da sacyjalnych sietak pryznačanaja dla dostupu da kanfidencyjnaj infarmacyi.
