31-hadovaha mužčynu zatrymlivali za parušeńnie PDR 20 razoŭ. Pałova zatrymańniaŭ — kiravańnie ŭ niećviarozym stanie.
U hety aŭtamabil urezaŭsia niećviarozy kiroŭca.
21 červienia 31-hadovy žychar Hrodna trapiŭ u avaryju. DTZ adbyłasia na praśpiekcie Janki Kupały kala aŭtobusnaha parka. Kiroŭca aŭtamabila «Folksvahien-Džeta» ruchaŭsia z boku vulicy Piestraka i ździajśniaŭ levy pavarot u kirunku AZS.
Pry hetym hrodzieniec nie pierakanaŭsia ŭ biaśpiecy manieŭru. Jon nie prapuściŭ zhodna Praviłaŭ darožnaha ruchu lehkavik «Folksvahien-Ńju-bitł», što ruchaŭsia ŭ sustrečnym nakirunku. U vyniku łaŭtamabili sutyknulisia. Kiroŭca nie pryšpiliŭsia ramianiom biaśpieki, u vyniku sutyknieńnia atrymaŭ traŭmy i byŭ špitalizavany. Dziaŭčyna, jakaja kiravała «žukom» u avaryi nie paciarpieła.
31-hadovy kiroŭca Ź lutaha 2007 hoda byŭ pazbaŭleny paśviedčańnia kiroŭcy na 5 hadoŭ. U ahulnaj składanaści pryciahvaŭsia da adkaznaści za parušeńnie PDR 20 razoŭ, i ŭ 9 vypadkach heta było kiravańnie aŭtatranspartam u stanie apjanieńnia.
