U šviejcarskim Ńjonie ŭ paniadziełak prajšło losavańnie 1‑ha i 2‑ha raŭndaŭ kvalifikacyi futbolnaj Lihi čempijonaŭ.
U pieršym raŭndzie zhulajuć tolki čatyry kamandy: «Fijory» (San‑Maryna) — «Rudar» (Čarnahoryja), «Santa‑Kałoma» (Andora) — «Birkirkara» (Malta).
Šaścirazovy čempijon Biełarusi i lider sioletniaha čempijanata barysaŭski BATE pačynaje z 2‑ha raŭndu, u jakim jon sustreniecca ź isłandskim «Chabnarfjordziuram».
Horad Chabnarfjordziur znachodzicca za 125 kiłamietraŭ ad vułkana Ejiafjatłajiokudl
Pieršy matč projdzie 14 lipienia ŭ Barysavie. Matč u adkaz - 21 lipienia ŭ Isłandyi, kali vułkan znoŭ nie žachnie :).
«Chábnarfjordziur» - futbolny kłub z adnajmiennaha horada, byŭ zasnavany ŭ 1929 h. Samy paśpiachovy kłub Isłandyi pačatku XXI st. Piacirazovy čempijon krainy (2004, 2005, 2006, 2008, 2009). U Isłandyi, jak i ŭ Biełarusi, čempijanat prachodzić pa sistemie viasna - vosień. Pieršy čempijanat byŭ zhulany ŭ 1912 h.
U čempijanacie Isłandyi, jak i sioleta ŭ Biełarusi, hulaje 12 kamandaŭ. Paśla vaśmi turaŭ «Chábnarfjordziur» zajmaje 6-ty radok z 11 bałami (3 pieramohi, 2 ničyi, 2 parazy, bałans miačoŭ 12-12). Kłub na 4 bały adstaje ad lidera «Valura», ale «Chab» maje na hulniu mieniej. Akurat siońnia jon zhulaje ŭ haściach suprać «Siełfosa», što idzie 10-m.
***
Ź isłandskimi kłubami biełarusy sustrakalisia trojčy:
u 1996 h. u kvalifikacyi Kubku kubkaŭ mazyrski MVKC hulaŭ z «Rejkjavikam» (2:2, 0:1),
u 2007 h. BATE ŭ 2-m kvalifikacyjnym raŭndzie Lihi čempijonaŭ BATE hulaŭ akurat z «Chabnarfjordziuram».
Doma była zafiksavana ničyja - 1:1, a ŭ haściach BATE ŭpeŭniena pieramoh 3:1. U 2008 h. u pieršym kvalifikacyjnym raŭndzie BATE zhulaŭ z «Valuram» - 2:0 u Barysavie, 1:0 u haściach. Mienavita tady, z matču ź isłandskim kłubam, i pačałosia ŭzychodžańnie BATE da hrupavoha turniru Lihi čempijonaŭ, dzie barysaŭcy potym u adnoj hrupie zhulali z madrydskim «Reałam», «Juvientusam» i «Zienitam».
Zaznačym taksama, što ŭ hetym raŭndzie polski «Lech», za jaki vystupaje eks‑hulec BATE Siarhiej Kryviec zhulaje z bakinskim «Interam», a armianski «Piunik» (hałkipier Artur Leśko) — ź biełhradskim «Partyzanam».
***
Letaś BATE vybyŭ u 3‑m raŭndzie Lihi čempijonaŭ, prajhraŭšy «Vientśpiłsu», ale praź plej‑of prabiŭsia ŭ hrupavy turnir Lihi Jeŭropy.
***
A 14‑j hadzinie projdzie losavańnie 1‑ha i 2‑ha raŭndaŭ kvafliikacyi Lihi Jeŭropy.
Mahiloŭski «Dniapro» i žodzinskaje «Tarpieda» pačynajuć z 1‑ha raŭndu, minskaje «Dynama» — z druhoha.