Supracoŭniki adździaleńnia narkakantrolu i supraćdziejańnia handlu ludźmi Śvietłahorskaha RAUS kanfiskavali partyju hierainu vahoj 335 hramaŭ.
Jak paviedamili ŭ pres‑słužbie UUS Homielskaha abłvykankama, spačatku apieratyŭniki zatrymali 32‑hadovuju miascovuju žycharku, u jakoj znachodziłasia 3,5 hrama hierainu. Paźniej byli zatrymany jašče dva žychary Śvietłahorska, jakija zajmalisia zbytam narkotyka. Pa miescy žycharstva zatrymanych u śpiecyjalna abstalavanych tajnikach apieratyŭniki znajšli bolš jak 330 hramaŭ hierainu.
U dačynieńni da zatrymanych raspačaty spravy na padstavie č. 3 art. 328 Kryminalnaha kodeksa (niezakonny abarot narkatyčnych srodkaŭ). Padčas śledstva treba budzie vyśvietlić, kolki ciahnuŭsia złačynny biźnies zbytčykaŭ i krynicu pachodžańnia narkotykaŭ.
Z pačatku 2010 hoda na terytoryi Homielskaj vobłaści vyjaŭlena 299 złačynstvaŭ, źviazanych ź niezakonnym abarotam narkotykaŭ, amal pałova ź ich — zbyt narkatyčnych srodkaŭ.