Sinim paznačanyja vajavodstvy, dzie pieramoh Kamaroŭski, błakitnym -- Kačyński. Infahrafika gazeta.pl.
Pavodle papiarednich źviestak, na daterminovych prezidenckich vybarach u Polščy, što prajšli 20 červienia, v.a. prezidenta Branisłaŭ Kamaroŭski («Hramadzianskaja płatforma») nabraŭ 41,22%, jaho apanient, brat zahinułaha prezidenta Polščy Jarasłaŭ Kačynski («Prava i spraviadlivaść»)- 36,74%.
Na dadzieny momant centrvybarkam apracavaŭ bolš za 95% biuleteniaŭ. Trecim, paśla Kamaroŭskaha i Kačynskaha, idzie pradstaŭnik levych Hžehaž Napieralski, jakoha padtrymali 14% palakaŭ. Heta amal siensacyja, asabliva kali ŭličyć toj fakt, što bolšaść apytańniaŭ davała Napieralskamu tolki 5%.
Usiaho ŭ vybarach uziali ŭdzieł 10 kandydataŭ. Jaŭka vybarcaŭ skłała krychu bolš za 54%.
Zhodna z zakanadaŭstvam, pakolki nivodzin z pretendentaŭ nie braŭ 50%, budzie druhi tur, u jakim za miesca prezidenta pazmahajucca Branisłaŭ Kamaroŭski i Jarasłaŭ Kačynski. Zvažajučy na adnosna nievialiki adryŭ Kamaroŭskaha i rastučuju papularnaść Kačynskaha druhi tur moža prynieści siensacyjny vynik. Paŭpłyvać na jaki mohuć tyja vybarcy, jakija prahałasavali za Napieralskaha. Lider levych pakul nie abviaściŭ, kaho z dvuch pazastałych kandydataŭ jon padtrymaje, adnak sacyjołahi śćviardžajuć, što prychilniki Napieralskaha bolš schilnyja hałasavać za «Hramadzianskuju płatformu».
Cikava, što brat Jarasłava, Lech Kačyński, u svoj čas taksama prajhraŭ u pieršym tury prezidenckich vybaraŭ pradstaŭniku «Hramadzianskaj płatformy» Donaldu Tusku. Adnak u druhim tury vybaraŭ pieramoh z adryvam 10% hałasoŭ.
Druhi tur prezidenckich vybaraŭ u Polščy projdzie 4 lipienia.
