«Akavita» — słova, dobra znajomaje biełaruskim internaŭtam. Pryčym nie tolki čaračnym šlacham. «Akavitaj» nazyvajecca ajčynny ličylnik naviedvalnaściinternet-ŚMI . Lepšaha ličylnika ŭ Biełarusi niama. Ciapier jaho stvaralnik Fiodar Karalenka — darečy, čałaviekhoda-2005 u biełnecie — rychtujecca da suda. Mienavita za svaju «Akavitu». Raspracoŭščyk miarkuje, što jahonyja aŭtarskija pravy parušany.
Ad biaspłatnaha prajekta da suda za brend
«Akavita» źjaviłasia ŭ 1999 hodzie.
«U toj čas anałahičnych prahram u śviecie naličvalisia adzinki», — kaža Fiodar Karalenka. Ciaham nastupnych hadoŭ raspracoŭščyk pakrysie ŭdaskanalvaŭ prahramu. Prajekt byŭ całkam biaspłatnym i napačatku nie praduhledžvaŭ pierachodu na kamiercyjnuju asnovu.
Adnak u kancy 2005 hoda Fiodaru Karalenku pastupiła prapanova ad markietołaha Alaksieja Šukajeva. Nieŭzabavie da ich dueta dałučyŭsia treci ŭdzielnik — siabar Šukajeva Leanid Muraŭjoŭ.
Realizavać vieličeznyja płany nie ŭdałosia, i praz dva hady šlachi hierojaŭ časova razyšlisia. Karalenka praciahnuŭ ŭdaskanalvać statystyku «Akavity», a Muraŭjoŭ i Šukajeŭ stvaryli rekłamnaje ahienctva.
Kampanija «Akavita Miedyja» było zarehistravana ŭ sakaviku 2008 hoda. Zasnavalnicaj kampanii stała maci Leanida Muraŭjova, a jon sam — dyrektaram. Hetu datu možna ličyć pačatkam kanfliktu, jaki ciahniecca dva z pałovaj hodu.
Fiodar Karalenka byŭ aburany tym, što ŭ naźvie rekłamnaj kampanii była vykarystana paznavalnaje najmieńnie jahonaj prahramy. «Tady Muraŭjoŭ paabiacaŭ, što ŭ bližejšy čas pieratvoryć „Akavita Miedyja“ u tavarystva z abmiežavanaj adkaznaściu, u jakim ja atrymaju dolu 45%», — raskazvaje jon. Abiacańnie było vusnym, tamu nijakich pretenzij za jaho nievykanańnie być nie moža.
Ale hałoŭnaje — rekłamnaja kampanija Muraŭjova stała pradavać statystyku «Akavity» svaim klijentam. Karalenka nie pratestavaŭ, bo ŭsio jašče čakaŭ, kali stanie ŭładalnikam doli ŭ kampanii. Nie dačakaŭ jon hetaha i praz dva z pałovaj hodu. Adzinaje, čaho jon damohsia — pradpryjemstva «Akavita Miedyja» pierajmienavanaja ŭ «Afinici».
U čakańni suda
Ciapier Fiodar Karalenka praciahvaje pahražać byłomu kampańjonu sudom,
Pa jahonych padlikach, maksimalnaja suma štrafu pa padobnych parušeńniach składaje $580 tysiač. Zrazumieła, što ličby dla Biełarusi nierealnyja, ale mienavita taki maksimum paznačany ŭ zakanadaŭstvie.
Inšy ŭdzielnik kanfliktu,
Leanid Muraŭjoŭ, miarkuje, što prablema vysmaktana z palca: «Usie pretenzii biespadstaŭnyja. Čatyry hady my pracavali razam — nie było nijakich piarečańniaŭ. A zaraz adniekul uźnikajuć nieabhruntavanyja abvinačvańni ŭ machlarstvie».
NN.by pacikaviŭsia ŭ Fiodara Karalenki, ci dojdzie ŭsio ž sprava da suda?
NN: Na jakim etapie idzie padrychtoŭka da suda?
Fiodar Karalenka: My pakul što źbirajem materyjały. Daviałosia pravieści šmat kansultacyj sa śpiecyjalistami. Ź jurydyčnaha punktu hledžańnia tema składanaja. Precedentaŭ u Biełaruś jašče nie było.
NN: Aryjencirovačna, praź jaki čas sprava dojdzie da suda?
FK: Termin adkaznaści za takija parušeńni zakona składaje try hady, tak što čas jašče jość. Jak tolki ja budu adčuvać, što ŭsio mahčymaje ja zrabiŭ — źviarnusia ŭ sud.
NN: Kali vy vyjhrajecie praces, jakim šlacham budzie raźvicca «Akavita»? Ci jość prapanovy ab prodažy servisu?
FK: Sutnaść prahramy pryncypova nie mianiajecca. Zastałosia ŭdaskanalvać sistemu, ale ciapier niespryjalnyja ŭmovy dla aktyŭnaj pracy. Zrešty, jak i dla pieramoŭ nakont prodažu.
Choć adzin z zamiežnych inviestycyjnych fondaŭ acaniŭ «Akavitu» ŭ $300 tysiač.
