Viarchoŭny sud Biełarusi abviaściŭ siońnia prysud pa kryminalnaj spravie byłoha prakurora Minskaj vobłaści Michaiła Śniehira.
Michaił Śniahir pryznany vinavatym u ździajśnieńni złačynstvaŭ, praduhledžanych č.3 art.424 «Złoŭžyvańnie ŭładaj ci słužbovymi paŭnamoctvami», č.3 art.430 «Atrymańnie chabaru», č.2 art. 295 «Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ «i č.3 art.426» Pieravyšeńnie ŭłady abo słužbovych paŭnamoctvaŭ «KK Biełarusi. Sud prysudziŭ jaho da 7 hadoŭ pazbaŭleńnia voli z adbyvańniem pakarańnia ŭ vypraŭlenčaj kałonii ŭzmocnienaha režymu, z kanfiskacyjaj usioj majomaści, a taksama z pazbaŭleńniem prava zajmać pasady na dziaržaŭnaj słužbie ciaham 5 hadoŭ i pazbaŭleńniem čynu «dziaržaŭny savietnik justycyi 3‑ha kłasa».
Druhi fihurant hetaj spravy — były kiraŭnik AAT «Zabudova» Michaił Kudziełka. Jaho pryznali vinavatym pavodle č.2 art. 431 «Davańnie chabaru» i č.2 art.424 «Złoŭžyvańnie ŭładaj ci słužbovymi paŭnamoctvami» i pryznačyli pakarańnie ŭ vyhladzie 3 hadoŭ 6 miesiacaŭ pazbaŭleńnia voli ŭ vypraŭlenčaj kałonii ŭzmocnienaha režymu z pazbaŭleńniem prava zajmać pasady, źviazanyja z arhanizacyjna‑rasparadčaj dziejnaściu na praciahu 4 hadoŭ.
Sud nad Śniehirom doŭžyŭsia ad 10 žniŭnia.
