Čatyrochhadovy chłopčyk paciarpieŭ u DTZ 6 maja ŭ Pinsku, paviedamiła načalnik adździaleńnia pa ahitacyi i prapahandzie DAI Bresckaj vobłaści Natalla Sacharčuk.
Pavodle jaje słoŭ, u 18.00 na dzicia, jakoje vybiehła z‑za aŭtamašyny pry vyjeździe sa dvara, učyniŭ najezd aŭtamabil »Falksvahien‑Holf», jakim kiravała 37‑hadovaja žycharka Pinska. Chłopčyk, žychar vioski Haleva Pinskaha rajona, ź pierałomam levaj halonačnaj kości, zakrytaj čerapna‑mazhavoj traŭmaj, strasieńniem hałaŭnoha mozha źmieščany ŭ balnicu. Pa hetym fakcie pravodzicca pravierka.
Raptoŭnaje źjaŭleńnie dziaciej pierad aŭtatranspartam — asnoŭnaja pryčyna DTZ, u jakija traplajuć niepaŭnaletnija, adznačyła pradstaŭnik DAI.
Anałahičnaja darožnaja avaryja adbyłasia 2 maja ŭ Łunincy. Dzieviacihadovy chłopčyk vybieh z‑za aŭtamabila, jaki stajaŭ, na prajeznuju častku i byŭ źbity inšaj mašynaj.
0
0
0
0
0
0
