Hod tamu, 7 maja 2009 hoda, u Prazie prajšła ŭstanoŭčaja kanfierencyja palityki Jeŭrasajuza «Uschodniaje partniorstva».
U prahramu ŭvajšli 27 krain ES, a taksama piać dziaržaŭ‑partnioraŭ — Azierbajdžan, Armienija, Biełaruś, Hruzija, Małdova i Ukraina. Hetuju padzieju ekśpierty pryvitali jak praryŭ mižnarodnaj izalacyi Biełarusi.
Mety Uschodniaha partniorstva — palityčnaje zbližeńnie i ekanamičnaja intehracyja z nazvanymi krainami, arhanizacyja enierhietyčnaj biaśpieki ŭ rehijonie.
U miežach Uschodniaha partniorstva mahčyma zaklučeńnie pahadnieńnia ab asacyjacyi, jakoje praduhledžvaje stvareńnie zon svabodnaha handlu; pahadnieńniaŭ ab mabilnaści i biaśpiecy, jakija dazvolać paralelna z pašyreńniem svabody pieramiaščeńnia hramadzian šaści krain‑udzielnic naroščvać namahańni ŭ baraćbie ź nielehalnaj mihracyjaj i karupcyjaj; u jakaści doŭhaterminovaj pierśpiektyvy praduhledžany pierachod na biaźvizavy režym.
Praduhledžany taksama piać fłahmanskich inicyjatyŭ: u halinie kiravańnia miežami; enierhaefiektyŭnaści; padtrymki małoha i siaredniaha biźniesu; reahavańnia na katastrofy; u «Paŭdniovym kalidory» — rehijanalnaj enierhietyčnaj prahramie.
Na šmatbakovym uzroŭni prahramy biełaruskija ŭłady padali dla atrymańnia finansavańnia amal 20 sumiesnych ź Litvoj i Ukrainaj prajektaŭ u halinie enierhietyki, transpartu, tranzitu, kiravańnia miežami i histaryčnaj spadčyny. Było dasiahnuta parazumieńnie ab mahčymaści pačać pieramovy adnosna spraščeńnia vizavaha režymu.
Pradstaŭniki treciaha siektara Biełarusi ź inaŭhuracyjnaj kanfierencyi Forumu hramadzianskaj supolnaści ŭ listapadzie 2009 hoda ŭpłyvajuć na paradak dnia struktury. Kiraŭnik rabočaj hrupy Asamblei NDA Siarhiej Mackievič byŭ abrany śpikieram forumu. Na sustrečy ŭ krasaviku ŭdzielniki forumu dabilisia mahčymaści, kab ich zaprašali na inšyja mierapryjemstvy ŭ miežach prahramy «Uschodniaje partniorstva».
Razam z tym, inaŭhuracyjnaje pasiadžeńnie Jeŭraniesta, parłamienckaj asamblei Uschodniaha partniorstva, było adkładziena ŭ sakaviku 2010 hoda na niapeŭny termin z‑za roznahałośsiaŭ adnosna składu biełaruskaj delehacyi.
Jeŭraparłamient nie pryznaje lehitymnaść biełaruskaha parłamienta, ale na prapanovu sfarmiravać delehacyju ź piaci deputataŭ i piaci pradstaŭnikoŭ apazicyi Minsk adkazaŭ admovaj.
Na realizacyju prahramy ŭ 2010—2013 hadach Jeŭrakamisija vydzieliła 600 młn. jeŭra.
4 maja ŭ intervju infarmahienctvu Rejter Alaksandr Łukašenka zajaviŭ, što inicyjatyva ES «Uschodniaje partniorstva» nie pavinna być dyskryminacyjnaj adnosna Biełarusi. Jon nazvaŭ palityku »ŭtvareńniem, jakoje jašče nie sfarmiravałasia».
