Minski arhanizatar šou «Ledavikovy pieryjad. Najlepšaje» — pryvatnaje kulturna‑zabaŭlalnaje unitarnaje pradpryjemstva »Art‑kłub» — dahetul nie vypłaciŭ jaho ŭdzielnikam hanarary.
Pra heta paviedamiŭ pradziusier i režysior šou, fihuryst, trenier, hienieralny dyrektar kampanii «Ladovaja simfonija» Ilja Avierbuch 3 maja na pres‑kanfierencyi ŭ Minsku.
Raniej Avierbuch zajaŭlaŭ, što zaklučnaje šou ŭ ramkach mižnarodnaha turnie «Ledavikovy pieryjad. Najlepšaje» ŭ Minsku było pieraniesiena z 12 krasavika na 3 maja pa vinie biełaruskich arhanizataraŭ vystupleńnia, jakija nie vykanali abaviazacielstvy kantrakta. UP «Art‑kłub», u pryvatnaści, nie vypłaciła hanarary spartsmienam, jakija ŭdzielničajuć u šou, i nie harantavała vykanać hetuju ŭmovu da momantu jaho praviadzieńnia.
Jak paviedamiŭ Avierbuch 3 maja, ź minskimi arhanizatarami dasiahnuty pahadnieńni ab vypłacie hanararaŭ,
ale pakul jany nie vykanany.
»Pakul nam nie pastupiła ni kapiejki pieravodu, i što budzie dalej, ja nie viedaju, ale ŭdzielnikaŭ šou heta nie zakranie, jak nie pavinna zakranuć i biełaruskich hledačoŭ», — skazaŭ pradziusier. Razam z tym jon pryznaŭ, što z‑za pieranosu šou ŭ Minsku hledačy pačali zdavać bilety.
Akramia parušeńnia ŭmoŭ kantrakta,
Avierbuch taksama vykazaŭ pretenzii da minskich arhanizataraŭ šou nakont niedastatkovaj rekłamy prajekta.
Jon spadziajecca, što ŭsie pytańni z kampanijaj udasca vyrašyć u chutkim časie.
Niahledziačy na ciažkaści z arhanizatarami, Avierbuch padkreśliŭ, što pryjezd u Biełaruś dla spartsmienaŭ i artystaŭ šou vielmi važny. »Heta kraina, jakaja vielmi lubić nas i jakuju my vielmi lubim», — skazaŭ jon.
Zaklučnaje šou ŭ ramkach mižnarodnaha turnie «Ledavikovy pieryjad. Najlepšaje» adbyłosia ŭ staličnym Pałacy sportu ŭviečary 3 maja. Na arenie vystupili pary Taćciana Taćmianina — Maksim Marynin, Maryja Piatrova — Alaksiej Cichanaŭ, Taćciana Naŭka — Raman Kastamaraŭ, Hanna Siemianovič — Vadzim Kałhanaŭ, Julija Kavalčuk — Raman Kastamaraŭ, Hanna Balšova — Poviłas Vanahas, Taćciana Naŭka — Marat Bašaraŭ, alimpijskija pryziory Alaksiej Jahudzin, Aksana Domnina — Maksim Šabalin i inš. U šou ŭvajšli numary, adabranyja z prahram usich čatyroch hadoŭ prajekta jak tancy, jakija «vyklikajuć najbolš jarkaje ŭspryjmańnie ŭ hledača». Śpiecyjalna da Dnia Pieramohi byli padrychtavany niekalki numaroŭ na vajennuju temu, a na śpiektakl zaprasili vieteranaŭ.
«Ledavikovy pieryjad» štohod pryjazdžaŭ u Minsk z 2006 hoda. Ciapierašni tur šou Avierbucha — zaklučny, bo zavieršany i adnajmienny teleprajekt.