Patrabavańni da asoby kandydata ŭ prezydenty Respubliki Biełaruś akreślenyja ŭ Asnoŭnym zakonie krainy — Kanstytucyi.
Patrabavańni da kandydata ŭ prezydenty
Prezydentam moža być abrany hramadzianin Respubliki Biełaruś pavodle naradžeńnia, nie maładziejšy za 35 hadoŭ, nie asudžany, jaki vałodaje vybarčym pravam i pastajanna pražyvaje ŭ Biełarusi nia mieniej za 10 hadoŭ niepasredna pierad vybarami.
Terminy praviadzieńnia prezydenckich vybaraŭ
Vybary prezydenta pryznačajucca pałataj pradstaŭnikoŭ nie paźniej čym za 5 miesiacaŭ i pravodziacca nie paźniej čym za 2 miesiacy da zakančeńnia paŭnamoctvaŭ papiaredniaha prezydenta.
Vyłučeńnie kandydataŭ u prezydenty
Kandydaty na pasadu prezydenta vyłučajucca hramadzianami Respubliki Biełaruś pry najaŭnaści nia mienš jak 100 tysiač podpisaŭ vybarcaŭ. Pracedura vyłučeńnia pačynajecca za 80 dzion i zakančvajecca za 50 dzion da vybaraŭ.
Rehistracyja kandydataŭ u prezydenty
Rehistracyju kandydataŭ Centralnaja vybarčaja kamisija pačynaje za 35 dzion i skančaje za 25 dzion da vybaraŭ.
CVK maje prava admović kandydatu z nastupnych pryčyn:
• kali ŭ deklaracyjach ab prybytkach i majomaści buduć vyjaŭlenyja nie adpaviednyja sapraŭdnaści źviestki, jakija majuć istotny charaktar;
• kali bolš jak 15% ad ahulnaj kolkaści pravieranych podpisaŭ vybarcaŭ za vyłučeńnie kandydata buduć pryznanyja niesapraŭdnymi.
Lehitymnaść prezydenckich vybaraŭ
Ličycca, što vybary adbylisia, kali ŭ hałasavańni pryniali ŭdzieł bolš za pałovu hramadzianaŭ Respubliki Biełaruś, uklučanych u śpis vybarcaŭ. Prezydent ličycca abranym, kali za jaho prahałasavali bolš za pałovu hramadzianaŭ krainy, jakija ŭziali ŭdzieł u hałasavańni.
Kali nivodzin z kandydataŭ nie nabraŭ nieabchodnaj kolkaści hałasoŭ, to ŭ 2‑tydniovy termin pravodzicca druhi tur hałasavańnia pa dvuch kandydatach, jakija atrymali najbolšuju kolkaść hałasoŭ vybarcaŭ. Abranym tady ličycca kandydat u prezydenty, jaki na paŭtornym hałasavańni atrymaŭ bolš za pałovu hałasoŭ vybarcaŭ, jakija pryniali ŭdzieł u hałasavańni.
Termin słužbovych paŭnamoctvaŭ
Prezydent abirajecca na 5 hadoŭ narodam Respubliki Biełaruś — elektaratam. Vybary pravodziacca pa adzinaj vybarčaj akruzie, jakaja składaje ŭsiu terytoryju dziaržavy.
Nahadajem, što pieršy i pakul apošni prezydent Respubliki Biełaruś — Alaksandar Łukašenka, jakija pryjšoŭ da ŭłady amal 16 hadoŭ tamu, u 1994 hodzie.
Farmalna dva prezydenckija terminy, dazvolenyja Kanstytucyjaj, u Łukašenki skončylisia jašče ŭ 2004 hodzie. Adnak nieadnarazovyja papraŭki ŭ Asnoŭny zakon dazvolili jamu abiracca kiraŭnikom krainy praktyčna nieabmiežavanuju kolkaść razoŭ.
