U suviazi z praviadzieńniem repietycyj parada 3 i 6 maja ŭ Minsku na niekatorych vulicach z 18.00 budzie abmiežavany ruch transpartu, paviedamili va UDAI HUUS Minharvykankama.
Abmiežavańni buduć uviedzieny pa ŭsim maršrucie ruchu vajennaj techniki: vajenny haradok Uručča — vuł. Zasnavalnikaŭ — vuł. Starynaŭskaja — praśpiekt Niezaležnaści — vuł. Surhanava — płošča Banhałor — vuł. M.Bahdanoviča — praśpiekt Mašerava.
Pry ruchu miechanizavanaj kałony pa praśpiekcie Niezaležnaści budzie abmiežavany ruch usich vidaŭ transpartu, akramia sustrečnaha hramadskaha. Pa vuł. Surhanava ad pr. Niezaležnaści da vuł. Ja.Kołasa zakryvajecca ruch usich vidaŭ transpartu ŭ abodvuch napramkach.
Na jaki čas budzie zakryty ruch, u DAI nie paviedamlajuć.
Adznačajuć tolki, što ruch budzie abmiažoŭvacca pa miery prasoŭvańnia kałony pa vulicach horada da miesca repietycyi, a taksama paśla jaje.
0
0
0
0
0
0
