Fiederacyja chakieja abjaviła pra admienu «Turniru čatyroch na pryzy BelSwissBank», jaki płanavałasia pravieści ŭ Minsku 22—25 krasavika z udziełam kamand Biełarusi, Hiermanii, Słavakii i Šviejcaryi.
«Spabornictvy nie adbuducca z pryčyny niemahčymaści kamand prybyć u Biełaruś, — adznačajecca ŭ paviedamleńni. — Usie ŭdzielniki płanavali dabracca da Minska avijarejsami, adnak z-za hihanckaha vobłaka vułkaničnaha popiełu, jakoje ŭtvaryłasia paśla vyviaržeńnia vułkana Ejafjatłajokudl u Isłandyi, avijaznosiny dahetul nie naładžany».
«Admiena turniru nijak nie pavinna adbicca na jaho pierśpiektyvach u budučyni. Fiederacyi chakieja Słavakii, Šviejcaryi i Hiermanii paćvierdzili, što ŭ nastupnym siezonie hatovy pryjechać da nas na takija spabornictvy», — adznačaje pres-słužba FCHRB.
Pakul nieviadoma, ci budzie nacyjanalnaja zbornaja Biełarusi pravodzić tavaryskija matčy ź inšymi kamandami.
0
0
0
0
0
0
