U Viarchoŭnym sudzie skončylisia słuchańni pa spravie Biełaruskaj asacyjacyi žurnalistaŭ. Rašeńnie sudździa Anatol Cierach abvieścić u paniadziełak u 14.30.
19 sakavika ŭ sudzie vystupiła prakuror Skarabahataja, jakaja zajaviła, što ličyć papiaredžańnie absalutna abhruntavanym pa ŭsich punktach. Namieśnik staršyni BAŽ Andrej Bastuniec adznačyŭ, što vystup prakurora byŭ nadzvyčaj karotkim. Što BAŽ parušyŭ zakanadaŭstva, vydajučy svaim siabram paśviedčańni z nadpisam «Presa». I što dziejnaść Centra pravavoj abarony ŚMI nie adpaviadaje zakanadaŭstvu i Statutu BAŽ. Pry hetym jakija kankretna normy zakanadaŭstva byli parušanyja, vialikaha abhruntavańnia nie było. Byŭ vielmi karotki vystup.
Nahadajem, što BAŽ abskardžvaje papiaredžańnie, vyniesienaje arhanizacyi Ministerstvam justycyi. Miniust abvinavaciŭ žurnalisckuju arhanizacyju adrazu pa niekalkich punktach — datyčna formy siabroŭskaha paśviedčańnia, statusu Centra pravavoj abarony ŚMI pry HA «BAŽ», a taksama niekatoraj infarmacyi, padadzienaj na sajcie arhanizacyi.
